സേവ ഭാരതിയുടെ ഉടമസ്ഥതയിലുള്ള മിനി വാനിൻ്റെ ഗ്ലാസ് അടിച്ചു തകർത്ത നിലയിൽ

കാഞ്ഞങ്ങാട് : മാവുങ്കാലിലെ സേവാഭാരതി  യൂണിറ്റിൻ്റെ കോമ്പൗണ്ടിൽ സൂക്ഷിച്ചിരുന്ന സേവ ഭാരതിയുടെ ഉടമസ്ഥയിലുള്ള ഇക്കോ മിനി വാനിൻ്റെ ഗ്ലാസ് അടിച്ചു തകർത്ത നിലയിൽ. ഇന്നലെ വൈകുന്നേരം 4 മണിക്കും ഇന്ന് രാവിലെ 9 മണിക്കും ഇടയിലുള്ള സമയത്താണ് വാഹനത്തിന് നേരെ അക്രമം നടന്നത്. സേവ ഭാരതി കാഞ്ഞങ്ങാട് യൂണിറ്റ് കെട്ടിടമാണ് മാവുങ്കാലിലേത്. മുൻ വശംഗ്ലാസാണ് തകർത്തത്. 4000 രൂപ നഷ്ടം സംഭവിച്ചു. കോമ്പൗണ്ടിനുള്ളിൽ ഏതോ പ്രതി അതിക്രമിച്ചു കയറി ഗ്ലാസ് തകർത്തെന്ന സെക്രട്ടറി മോലാങ്കോട്ടെ വി. രാധാകൃഷ്ണൻ്റെ പരാതിയിൽ ഹോസ്ദുർഗ് പൊലീസ് കേസെടുത്തു.