അബോധാവസ്ഥയിൽ കണ്ട് ആശുപത്രിയിലെത്തിച്ച യുവാവ് മരിച്ചു, മരിച്ചത് നാല് മാസം മുൻപ് അമേരിക്കയിൽ നിന്നുമെത്തിയ യുവാവ്

കാഞ്ഞങ്ങാട് : വീട്ടിൽ അബോധാവസ്ഥയിൽ കണ്ട് ആശുപത്രിയിലെത്തിച്ച യുവാവ് മരിച്ചു.  നാല് മാസം മുൻപ് അമേരിക്കയിൽ നിന്നും അവധിക്ക് നാട്ടിലെത്തിയ യുവാവാണ് മരിച്ചത്.

കരിവെള്ളൂർ കൊടക്കാട് വടക്കൻമാർ വീട്ടിൽ കൃഷ്ണൻ്റെ മകൻ വി.വി. സുനീഷ് 46 ആണ് മരിച്ചത്. കുന്നരുവിലെ ബന്ധു വീട്ടിലെ സെൻട്രൽ ഹാളിൽ ഇന്ന് രാവിലെ അബോധാവസ്ഥയിൽ കാണുകയായിരുന്നു. പയ്യന്നൂർ സഹകരണ ആശുപത്രിയിലെത്തിച്ചെങ്കിലും മരിച്ചു. രാവിലെ ഭക്ഷണം കഴിച്ച് വിശ്രമിക്കുകയായിരുന്നു.

പയ്യന്നൂർ പൊലീസ് ഇൻക്വസ്റ്റ് നടത്തി. മാതാവ് ഭാർഗവി.