പടന്നക്കാട് കെ.എസ്.ആർ.ടി.സി ബസ് ഡിവൈഡറിൽ ഇടിച്ച് നിരവധി പേർക്ക് പരിക്ക്

കാഞ്ഞങ്ങാട്: ദേശീയ പാതയിൽപടന്നക്കാട് കെ.എസ്.ആർ.ടി.സി ബസ് ഡിവൈഡറിൽ ഇടിച്ച് നിരവധി പേർക്ക് പരിക്കേറ്റു. ഇന്ന് ഉച്ചക്ക് 2.30 മണിയോടെ ഐങ്ങോത്തിനടുത്താണ് അപകടം.

നീലേശ്വരം ഭാഗത്ത് നിന്നും കാഞ്ഞങ്ങാട്ടേക്ക് വരികയായിരുന്നു ബസ്. ബസിന് കുറുകെ ഓടിയ കാൽ നടയാത്രക്കാരനെ രക്ഷിക്കാൻ ബസ് വെട്ടിച്ചപോൾ ഡിവൈഡറിൽ ഇടിച്ചതാണെന്ന് പറയുന്നു. പരിക്കേറ്റവരെ നീലേശ്വരം, കാഞ്ഞങ്ങാട്ടെയും ആശുപത്രികളിൽ എത്തിച്ചു. ആർക്കും ഗുരുതര പരിക്കില്ലെന്നാണ് വിവരം.