നിർത്തിയിട്ട പൊലീസ് വാഹനത്തിൽ കാർ ഇടിച്ചു, രണ്ട് പൊലീസുകാർക്ക് പരിക്ക്, ഒരാൾക്ക് ഗുരുതരം, അപകടത്തിൽ പെട്ടത് റോഡരികിൽ നിൽക്കുകയായിരുന്ന ഉദ്യോഗസ്ഥർക്ക്

കാഞ്ഞങ്ങാട്: ഐങ്ങോത്ത് പെട്രോൾ പമ്പിന് സമീപം ദേശീയ പാതയിൽ ഇന്ന് ഉച്ചക്ക്നിർത്തിയിട്ട പൊലീസ് വാഹനത്തിൽ കാർ ഇടിച്ചു. അപകടത്തിൽ

രണ്ട് പൊലീസുകാർക്ക് പരിക്ക്. ഒരാൾക്ക് ഗുരുതരമായി പരിക്കേറ്റു. ഹൈവേ പെട്രോളിഗിൻ്റെ വാഹനത്തിൻ്റെ പിറകിൽ നിയന്ത്രണം വിട്ട കാർ ഇടിക്കുകയായിരുന്നു. വാഹനത്തിനരികിലായി നിൽക്കുകയായിരുന്ന പൊലീസുകാരെ ഇടിച്ച് തെറിപ്പിച്ച് കാർ പൊലീസ് വാഹനത്തിൽ ഇടിക്കുകയായിരുന്നു.

പൊലീസുകാരായ സൂരജ്, അലോശി എന്നിവർക്കാണ് പരിക്കേറ്റത്. സൂരജിനാണ് കാലിന് ഗുരുതരമായി പരിക്കേറ്റത്. സ്ഥലത്ത് രക്തം ഒഴുകിയ നിലയിലാണ്.

സ്വകാര്യ ആശുപത്രിയിൽ പ്രവേശിപ്പിച്ചു.