പോർച്ചുഗൽ ടീമിൻ്റെ ഫ്ളക്സ് ബോർഡ് കെട്ടുന്നതിനിടെ വൈദ്യുതി ലൈനിൽ നിന്നും ഷോക്കേറ്റ് രണ്ട് ആരാധകർ ആശുപത്രിയിൽ, സ്ഥലത്തുണ്ടായിരുന്നത് അഞ്ച് പേർ, ഒഴിവായത് വൻ ദുരന്തം

കാഞ്ഞങ്ങാട്: ലോക കപ്പ് ഫുട്ബോളിൽ പോർച്ചുഗൽ ടീമിൻ്റെ ഫ്ളക്സ് ബോർഡ്

റോഡരികിൽ

 കെട്ടുന്നതിനിടെ വൈദ്യുതി ലൈനിൽ നിന്നും ആരാധകരായ രണ്ട് യുവാക്കൾക്ക് ഷോക്കേറ്റു. ഇന്നലെ രാത്രി 7 മണിയോടെ കാഞ്ഞങ്ങാട് കുശാൽ നഗറിലാണ് അപകടം.

കുശാൽ നഗർ ജംഗ്ഷന് സമീപം വലിയ ഫ്ളക്സ് ബോർഡ് കെട്ടാൻ വലിയ കവുങ്ങ് തൂൺ ഉയർത്തുന്നതിനിടെ പ്രധാന ലൈനിൽ തട്ടുകയായിരുന്നു.

അഞ്ച് യുവാക്കളാണ് ബോർഡ് കെട്ടാൻ സ്ഥലത്തുണ്ടായിരുന്നു. വൈദ്യുതാഘാതമേറ്റ ഉടൻ രണ്ട് പേർ തെറിച്ചു വീണ് ഛർദ്ദിച്ചു. ഇരുവരുടെയും ഉടൻ സ്വകാര്യ ആശുപത്രിയിലെത്തിച്ച് അത്യാഹിത വിഭാഗത്തിൽ

 പ്രവേശിപ്പിച്ചു . മഴയില്ലാത്ത സമയമായത് ഭാഗ്യമായി. ഭാഗ്യം കൊണ്ട് മാത്രം വലിയ അപകടം ഒഴിവായി.