ലോറിയും ഇലക്ട്രിക് ഓട്ടോയും കൂട്ടിയിടിച്ചു, രണ്ട് പേർക്ക് പരിക്ക്

കാഞ്ഞങ്ങാട്:ലോറിയും ഇലക്ട്രിക് 

ഓട്ടോയും കൂട്ടിയിടിച്ചു . അപകടത്തിൽ ലോറി

ഡ്രൈവർക്കും ലോറിയിലുണ്ടായിരുന്ന യുവാവിനും

 പരിക്കേറ്റു. ദേശീയ പാതയിൽ പുല്ലൂരിൽ ഇന്ന് രാവിലെയാണ് അപകടം.

ചാലിങ്കാൽ ഭാഗത്ത് നിന്നും കാഞ്ഞങ്ങാട് ഭാഗത്തേക്ക് വന്ന എയ്സർ ലോറിയിൽ എതിരെ വന്ന ഇലക്ട്രിക് ഓട്ടോറിക്ഷ ഇടിക്കുകയായിരുന്നു.

ലോറിയിലുണ്ടായിരുന്ന പരിയാരം വായാടിലെ മുഹമ്മദ് മുക്താർ 30, ലോറി ഡ്രൈവർ തളിപ്പറമ്പ് കുപ്പം സ്വദേശി ടി.പി. സുഫിയാൻ 21 എന്നിവർക്കാണ് പരിക്കേറ്റത്. ഓട്ടോ ഡ്രൈവറുടെ പേരിൽ അമ്പലത്തറ പൊലീസ് കേസെടുത്തു.