ശക്തമായ മഴയിൽ വീട് തകർന്നു വീണു, വീട്ടുകാർ രക്ഷപ്പെട്ടു

കാഞ്ഞങ്ങാട്: ശക്തമായ മഴയിൽ വീട് തകർന്നു വീണു. ഇന്ന് രാത്രി 7 മണിയോടെയാണ് വീട് തകർന്നു വീണത്. വീട്ടിൽ ഉണ്ടായിരുന്നവർ ഭാഗ്യം കൊണ്ട് മാത്രം രക്ഷപ്പെട്ടു. കാഞ്ഞങ്ങാട്വടകര മുക്കിലെ പരേതനായ ബി.എം. കുഞ്ഞബ്ദുള്ളയുടെ ഭാര്യ സി. എച്ച് . കുഞ്ഞാമിന യുടെ വീടാണ് തകർന്നു വീണത്. മകന്റെ ഭാര്യ ഷാഹിനയടക്കം വീട്ടിലുണ്ടായിരുന്ന വർ അത്ഭുതകരമായി രക്ഷപ്പെട്ടു. നമസ്ക്കാരം കഴിഞ്ഞ് റൂമിൽ നിന്നും പുറത്തിറങ്ങിയ ഉടനെ അപകടമുണ്ടായത് . ബി .എം . കുഞ്ഞബ്ദുള്ള കഴിഞ്ഞ ആഴ്ച നിര്യാതനായിരുന്നു. മരണാനന്തര ചടങ്ങ് തലേ ദിവസം ഈ വീട്ടിൽ നടന്നിരുന്നു. ഈ സമയം വീട്ടിൽ ഒരു പാട് പേർ എത്തിയിരുന്നു. മേൽക്കൂര പൂർണമായും തകർന്ന് കിടപ്പ് മുറിയിലടക്കം വീണു. കുഞ്ഞാമി മക്കളായ സുബൈർ, നൗഫൽ ഇവരുടെ ഭാര്യയും മക്കളും വീട്ടിലും പരിസരത്തുമായി ഉണ്ടായിരുന്നെങ്കിലും പരിക്കേൽക്കാതെ രക്ഷപ്പെട്ടു. ഓടിട്ട വീട് തട്ടിൻപുറ മടക്കം പൊട്ടി വീണു.