കൺസ്യൂമർ ഫെഡ് ജില്ലയിൽ 71 വിപണന കേന്ദ്രങ്ങൾ തുടങ്ങുന്നു

കാഞ്ഞങ്ങാട്:

വിലക്കയറ്റ വിരുദ്ധ വിപണിയൊരുക്കാൻ കൺസ്യൂമർഫെഡ്

ജില്ലയിൽ 71 വിപണന കേ ന്ദ്രങ്ങൾ ആരംഭിക്കും

ഉത്സവകാലത്ത് ഉണ്ടാകുന്ന അനിയന്ത്രിതമായ വിലക്കയറ്റം ചെറുക്കുന്നതിന് സംസ്ഥാന സർക്കാർ സഹകരണ വകുപ്പ് കൺസ്യൂമർഫെഡ് മുഖേന നടപ്പിലാക്കുന്ന ഓണ വിപണികൾക്കായി ജില്ലയിൽ ഒരുക്കങ്ങൾ ആരംഭിച്ചു. കൺസ്യൂമർ ഫെഡിൻ്റെ ത്രിവേണി സൂപ്പർമാർക്കറ്റുകളും തെരഞ്ഞെടുക്കപ്പെട്ട സഹകരണ സംഘങ്ങളുമാണ് വിലക്കയറ്റത്തെ ചെറുക്കാനുള്ള വിപണികളാരംഭിക്കുന്നത്

71 വിപണികളിലൂടെ 13 ഇനം നിത്യോപയോഗ സാധനങ്ങൾ സർക്കാർ സബ്ബ്സിഡിയോടെ വിൽപ്പന നടത്തും മറ്റിനങ്ങൾ മാർക്കറ്റ് വിലയെക്കാൾ 10 മുതൽ 40 ശതമാനം വരെ വില കുറച്ചും വിപണികളിൽ ലഭ്യമാക്കും.ആഗസ്റ്റ് 29 മുതൽ സെപ്തംബർ 7വരെ വിപണന കേന്ദ്രങ്ങൾ പ്രവർത്തിക്കും

വിപണന കേന്ദ്രങ്ങളിൽ മുഴുവൻ സാധനങ്ങളുടെയും ലഭ്യത ഉറപ്പു വരുത്താൻ സഹകരണ മേഖലയെ സജ്ജമാക്കുന്നതിൻ്റെ ഭാഗമായി ജില്ലാ തലത്തിൽ സഹകാരികളുടെയും ഉദ്യോഗസ്ഥരുടെയും യോഗം കാഞ്ഞങ്ങാട് സഹകരണ ഭവനിൽ ചേർന്നു.

യോഗത്തിൽ സഹകരണ സംഘം ജോയിൻ്റ് രജിസ്ട്രാർ ജനറൽ കെ. ലസിത അദ്ധ്യക്ഷത വഹിച്ചു.കൺസ്യൂമർ ഫെഡ് എക്സിക്യുട്ടീവ് ഡയറക്ടർ വി.കെ.രാജൻ പദ്ധതി വിശദീകരിച്ചു. അസിസ്റ്റൻ്റ് രജിസ്ട്രാർ (പ്ലാനിങ്ങ്) വി.ചന്ദ്രൻ അസിസ്റ്റൻ്റ് രജിസ്ട്രാർ (കൺസ്യൂമർ ) പി.കെ.ബാലകൃഷ്ണൻ

അസിസ്റ്റൻ്റ് രജിസ്ട്രാർ ജനറൽമാരായ പി.ലോഹിതാക്ഷൻ, എ.രവീന്ദ്ര, .നാഗേഷ.കെ

കൺസ്യൂമർ ഫെഡ് റീജ്യണൽ മാനേജർ സി.സുരേഷ് ബാബു എന്നിവർ സംസാരിച്ചു.

കെ.രാജഗോപാലൻ സ്വാഗതവും പി.വി ശൈലേഷ് ബാബു നന്ദിയും പറഞ്ഞു.