നാല് വയസുകാരനെ തെരുവ് നായയിൽ നിന്നും രക്ഷിച്ച പത്താം ക്ലാസ് വിദ്യാർത്ഥിക്ക് അനുമോദനം

മാവുങ്കാൽ : വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന നാലുവയസുകാരനെ തെരുവ് നായയുടെ ആക്രമണത്തിൽ നിന്ന് രക്ഷപ്പെടുത്തിയ രാംനഗർ ഗവൺമെന്റ് ഹയർ സെക്കൻഡറി സ്കൂളിലെ പത്താംതരം വിദ്യാർത്ഥി ആദിത്യനെ സ്കൂൾ അസംബ്ലിയിൽ  സ്റ്റാഫ് കൗൺസിൽ, പി.ടി.എ എന്നിവയുടെ നേതൃത്വത്തിൽ അനുമോദിച്ചു. കോട്ടപ്പാറ വാഴക്കോട് നർക്കിലയിലെ സുരേന്ദ്രന്റെ മകനാണ് ആദിത്യൻ. സ്കൂൾ സ്റ്റാഫ് കൗൺസിൽ, പി.ടി.എ എന്നിവയുടെ ഉപഹാരം അജാനൂർ ഗ്രാമപഞ്ചായത്ത് അംഗം ശ്രീദേവി ആദിത്യന് സമ്മാനിച്ചു. പ്രധാന അധ്യാപകൻ എ.വി. സതീഷ് കുമാർ അധ്യക്ഷത വഹിച്ചു. സ്റ്റാഫ് സെക്രട്ടറി പി. അശോകൻ , കവിയും അധ്യാപകനുമായ  ബിജു കാഞ്ഞങ്ങാട്, സീനിയർ അസിസ്റ്റന്റ് സുനിതാ ദേവി  സംസാരിച്ചു. നായയുടെ ആക്രമണത്തിൽ പരിക്കേറ്റ കുഞ്ഞ് ജില്ലാ ആശുപത്രിയിൽ ചികിത്സയിലാണ് ആദിത്യനും നായയുടെ ആക്രമണത്തിൽ കാലിന് പരിക്കേറ്റിരുന്നു