യൂത്ത് ലീഗ് എസ്. പി ഓഫീസ് മാർച്ചിൽ സംഘർഷം ജലപീരങ്കി 109 പേർക്കെതിരെ കേസ്

കാസർകോട് : മാഫിയാ സംഘങ്ങളുടെ കൂടാരമായി  മാറിയ ആഭ്യന്തര വകുപ്പ് കൈകാര്യം ചെയ്യുന്ന പിണറായി വിജയൻ രാജിവെക്കണമെന്ന് ആവശ്യപ്പെട്ട് മുസ്ലിം യൂത്ത് ലീഗ് കാസർകോട് ജില്ലാ കമ്മിറ്റി ജില്ലാ 

പൊലീസ് ആസ്ഥാനത്തേക്ക് നടത്തിയ മാർച്ചിൽ സംഘർഷം . പൊലീസ് പ്രവർത്തകർക്ക് നേരെ രണ്ട് തവണ ജലപീരങ്കി പ്രയോഗിച്ചു. പൊലീസ് ബാരിക്കേഡ് മറിച്ചിടാൻ ശ്രമമുണ്ടായി. അസീസ് കടപ്പുറം, എം ബി. ഷഹന വാസ്, അഷറഫ് എട നീർ, ഹാഷിം ബംബ്രാണ , മുക്താർ , ഹാരിസ് തായൽ, അനസ് എതിർത്തോട്, യൂസഫ് ഉളുവാർ, ഷഹീർ ആഷിഫ് ഉൾപെടെ 109 യൂത്ത് ലീഗ് പ്രവർത്തകർക്കെതിരെ കാസർകോട് പൊലീസ് കേസെടുത്തു.

  ജില്ലയിലെ 

പൊലീസ് സ്റ്റേഷനിലും പിടിക്കപ്പെട്ട ഹവാല പണം പൂർണ്ണമായും കോടതിയെ ഏൽപിക്കാതെ പൊലീസ് പണം മുക്കിയെന്ന ഗുരുതര ആരോപണം  മാർച്ച് ഉദ്ഘാടനം ചെയ്ത് എൻ.എ. നെല്ലിക്കുന്ന് എം.എൽ.എ ഉന്നയിച്ചു.

മലപ്പുറം ജില്ലയെ വർഗീയ വാദികളുടെ കേന്ദ്രമാക്കി ചിത്രീകരിച്ച് ആർ എസ്. എസ് അജണ്ടക്ക്  കുട  പിടിക്കുകയാണ് മുഖ്യമന്ത്രി ചെയ്യുന്നത്. മുഖ്യമന്ത്രിയും സി. പി .എമ്മും സഞ്ചരിക്കുന്നത് സംഘ് പരിവാർ വഴിയിലൂടെയാണ്.  ഒരു ദേശീയ ദിന പത്രത്തിന് അഭിമുഖം നൽകാൻ കേരളത്തിലെ മുഖ്യമന്ത്രിക്ക് എന്തിനാണ് ഒരു പി.ആർ ഏജൻസിയുടെ ആവശ്യം കേരളത്തെയും ആഭ്യന്തര വകുപ്പിനെയും മുഖ്യമന്ത്രി ആർ . എസ് . എസ്സിന് അടിയറവ് വെച്ചിരിക്കുകയാണെന്നുംഎൻ എ നെല്ലിക്കുന്ന് എം.എൽ എ  ആരോപിച്ചു. 

ഉളിയത്തടുക്ക ജംഗ്ഷനിൽ നിന്നും നൂറുകണക്കിന് പ്രവർത്തകരുടെ അകമ്പടിയോടെ വന്ന മാർച്ച് ജില്ലാ 

പൊലീസ് ആസ്ഥാനത്തിന് മുമ്പിൽ ബാരിക്കേട് വെച്ച്  തടഞ്ഞു. മാർച്ച് അവസാനിച്ചതിന് ശേഷവും പ്രവർത്തകർ പിരിഞ്ഞ് പോകാൻ കൂട്ടാക്കാതെ റോഡിൽ കുത്തിയിരുന്ന് ഉപരോധിച്ചു   മുസ്ലിം ലീഗ് നേതാക്കളും 

പൊലീസും ഇടപെട്ടാണ് പ്രവർത്തകരെ മാറ്റിയത്.

യൂത്ത് ലീഗ് ജില്ലാ പ്രസിഡൻ്റ് അസീസ് കളത്തൂർ അധ്യക്ഷത വഹിച്ചു. ജനറൽ സെക്രട്ടറി സഹീർ ആസിഫ് സ്വാഗതം പറഞ്ഞു എ കെ എം  അഷ്റഫ് എം എൽ എ,യൂത്ത് ലീഗ് സംസ്ഥാന വൈസ് പ്രസിഡൻറ് അഷ്റഫ് എടനീർ സെക്രട്ടറി  അഡ്വ. ഫാത്തിമ തഹ്‌ലിയ മുസ്ലിം ലീഗ്  ജില്ലാ ട്രഷർ പി.എം മുനീർ ഹാജി , സെക്രട്ടറി ഹാരിസ് ചുരി ,ടി.ഡി കബീർ , യുസുഫ് ഉളുവാർ ,  എം.ബി ഷാനവാസ് ,ടി എം ഇഖ്‌ബാൽ , മുത്തലിബ് പാറക്കെട്ട്,എം.എ നജീബ് , എ മുഖ്താർ ,  ഹാരിസ് തായൽ , ശംസുദ്ദീൻ അവിയിൽ , റഹ്‌മാൻ ഗോർഡൻ , നൂറുദ്ദീൻ ബെളിഞ്ചം , എം.പി നൗഷാദ് , ഹാരിസ് അങ്കകളരി, ബി.എം മുസ്തഫ, സിദ്ധീഖ് സന്തോഷ് നഗർ, റഊഫ് ബാവിക്കര , നദീർ കൊത്തിക്കാൽ, സിദീഖ് ദണ്ഡഗോളി , ഹാരിസ് ബെദിരെ, ഖാദർ ആലൂർ , റമീസ് ആറങ്ങാടി,  വി പി പി ശുഹൈബ് , അനസ് എതിർത്തോട് , ഇർഷാദ് മൊഗ്രാൽ , ത്വാഹ ചേരൂർ എന്നിവർ സംസാരിച്ചു.