ഗൾഫിൽ നിന്നും കൊടുത്തു വിട്ട സ്വർണക്കട്ടിക്ക് വേണ്ടി പൂച്ചക്കാട് യുവാവിനെ കാറിൽ പിടിച്ചു കൊണ്ട് പോയി വധിക്കാൻ ശ്രമം

കാഞ്ഞങ്ങാട് : ഗൾഫിൽ നിന്നും കൊടുത്തയച്ച സ്വർണക്കട്ടി തിരിച്ച് കിട്ടുന്നതിന് യുവാവിനെ കാറിൽ കയറ്റി കൊണ്ട് പോയി വധിക്കാൻ ശ്രമം. പൂച്ചക്കാട് ചെറിയ പള്ളിക്കടുത്തെ എ.പി . അബ്ദുൾ മജീദിന് 40 നേരെയാണ് ആക്രമണമുണ്ടായത്. സംഭവവുമായി ബന്ധപ്പെട്ട് അഷറഫ്, ഷഹീൽ, ഖലീൽ ഉൾപ്പെടെ 4 പേർക്കെതിരെ ബേക്കൽ പൊലിസ് നരഹത്യാ ശ്രമത്തിന് കേസെടുത്തു. പ്രതികളിൽ ചിലർ പൊലിസ് കസ്റ്റഡിയിലായി. പൂച്ചക്കാട്ടെ വീട്ടിൽ അതിക്രമിച്ച് കയറി കാറിൽ ബലമായി പിടിച്ച് കൊണ്ട് പോയി പടന്നയിൽ വെച്ച് ആക്രമിച്ചതായാണ് പരാതി. രാവിലെ വീട്ടിൽ നിന്നും കൊണ്ട് പോയി പിറ്റേ ദിവസം വൈകീട്ട് വരെ റിസോർട്ടിൽ വെച്ച് ഇരുമ്പ് വടി കൊ ണ്ടും ഇലക്ട്രിക് സിറ്റിക് കൊ ണ്ടും ആക്രമിക്കുകയായിരുന്നുവെന്നാണ് പരാതി. പ്രതികൾ ഗൾഫിൽ വെച്ച് നൽകിയ സ്വർണക്കട്ടി നാട്ടിലെത്തിയ ശേഷം തിരിച്ച് നൽകിയില്ലെന്ന് പറഞ്ഞായിരുന്നു ആക്രമണമെന്ന് പറയുന്നു. സ്വർണമോ സ്വത്തോ നൽകണമെന്ന് പറഞ്ഞായിരുന്നു ആക്രമണമെന്ന് പറയുന്നു.