വൻ ചന്ദന വേട്ട 135 കിലോ ചന്ദന മുട്ടികളുമായി രണ്ട് പേർ അറസ്റ്റിൽ, രണ്ട് കാറുകൾ പിടിച്ചു

കാഞ്ഞങ്ങാട് :വന പാലകർ നടത്തിയ വൻ ചന്ദന വേട്ടയിൽ 135 കിലോ ചന്ദന മുട്ടികളുമായി രണ്ട് പേർ അറസ്റ്റിൽ. രണ്ട് കാറുകൾ പിടിച്ചെടുത്തു . അമ്പലത്തറ മൂന്നാം മൈൽ പൂതങ്ങാനത്തെ പ്രസാദ് 34,മൂന്നാംമൈലിലെ ഷിബു എന്ന ഷിബുരാജ് 43 എന്നിവരാണ് പിടിയിലായത്.

രഹസ്യവിവരത്തിന്റെ അടിസ്ഥാനത്തിൽ കാസർകോട് ഫോറസ്റ്റ് ഫ്ലയിങ് സ്‌ക്വാഡ്

നടത്തിയതിരച്ചിലിലാണ് പിടിയിലായത്.

 130 ചന്ദനമുട്ടിയും കടത്താനുപയോഗിച്ച  വാഹനങ്ങളുമാണ് പിടിച്ചെടുത്തത് .

   പ്രസാദിന്റെ പൂതങ്ങാനത്തെ

വീട്ടിൽ നിന്നും 5 ചാക്കുകളിലായി സൂക്ഷിച്ചിരുന്ന ചന്ദന മുട്ടികൾകണ്ടെത്തുകയായിരുന്നു. പിടിച്ചെടുത്തു. ബ്രീസ , സാൻ

ട്രോ കാറുകളാണ് പിടിച്ചെടുത്തത്. ഷിബു രാജിനെ  മൂന്നാം മൈലിലെ പ്രതിയുടെ കടയുടെ മുന്നിൽ വെച്ചു പിടികൂടുകയായിരുന്നുവെന്ന് വനപാലകർ പറഞ്ഞു.ഫോറസ്റ്റ് ഫ്ലയിങ് സ്‌ക്വാഡ് റേഞ്ച് ഫോറസ്റ്റ് ഓഫീസർ വി. രതീശൻ , കാഞ്ഞങ്ങാട് റേഞ്ച് ഫോറസ്റ്റ് ഓഫീസർ കെ.രാഹുൽ , സെക്ഷൻ ഫോറസ്റ്റ് ഓഫീസർ ,ചന്ദ്രൻ ,ബീറ്റ് ഫോറസ്റ്റ് ഓഫീസർമാരായ ടി.എം. സിനി , ധനജ്ഞയൻ, സുജിത് ,ഡ്രൈവർ വിജേഷ് കുമാർ എന്നിവർ ഓപ്പറേഷൻ സംഘത്തിൽ ഉണ്ടായിരുന്നു.. പ്രതികളെ കാഞ്ഞങ്ങാട് റേഞ്ച് ഫോറസ്റ്റ്

ഓഫീസർക്ക് കൈമാറി റേഞ്ച് ഫോറസ്റ്റ് ഓഫീസറും പനത്തടി ഫോറസ്റ്റ് സെക്ഷൻ ഓഫീസ് സ്റ്റാഫുകളും ചേർന്ന് തുടർനടപടികൾ നടത്തി കോടതിയിൽ ഹാജരാക്കി പ്രതികള റിമാൻഡ് ചെയ്തു.