പള്ളിയിൽ ഖത്തീബിൻ്റെ മുറി കുത്തി തുറന്ന് മുപ്പതിനായിരം രൂപ കവർന്നു ഒരാൾ പിടിയിൽ

കാഞ്ഞങ്ങാട് :പള്ളിയിൽ ഖത്തീബിൻ്റെ മുറി കുത്തി തുറന്ന് രണ്ടംഗ സംഘം

 മുപ്പതിനായിരം രൂപ കവർന്നു . മോഷണം നടത്തിയ വരിൽ ഒരാളെ മണിക്കൂറുകൾക്കുള്ളിൽ

പൊലീസ് പിടികൂടി. പെരുമ്പളമുഹ് യുദ്ധീൻ ജുമാ മസ്ജിദിലാണ് മോഷണം. പള്ളിയുടെ മുകൾ നിലയിൽ ഖത്തീബ് മലപ്പുറം സ്വദേശി സ്വാമിഹ് ചെറിയാടത്ത് താമസിക്കുന്ന മുറിയുടെ പൂട്ട് പൊളിച്ചാണ് മോഷണം. ഇന്ന് രാവിലെ 6.25 നും 7 മണിക്കും ഇടയിലായിരുന്നു മോഷണം. ഖത്തീബ് പുറത്ത് ഇറങ്ങിയ സമയത്തായിരുന്നു മോഷണം. അലമാരയിലെ ബാഗിൽ സൂക്ഷിച്ചിരുന്ന ഖത്തീബിൻ്റെ പണമാണ് നഷ്ടപ്പെട്ടത്. കണ്ടാലറിയാവുന്ന രണ്ട് പേർ മോഷണം നടത്തിയെന്ന പരാതിയിൽ മേൽപ്പറമ്പ പൊലീസ് കേസെടുത്ത് ഒരാളെ കസ്റ്റഡിയിലെടുക്കുകയായിരുന്നു. പ്രായപൂർത്തിയാകാത്ത ആളാണ് പിടിയിലായത്. രണ്ടാമനെ കണ്ടെത്താനുണ്ട്.