നമ്പർ പ്ലേറ്റില്ലാത്ത ബൈക്കിൽ കഞ്ചാവ് കടത്തുന്നതിനിടെ പിടിയിലായ യുവാവിന് രണ്ട് വർഷം കഠിന തടവും പിഴയും

കാഞ്ഞങ്ങാട് :കഞ്ചാവ് കടത്ത് കേസിൽ പ്രതിക്ക് രണ്ട് വർഷം കഠിന തടവും ഇരുപതിനായിരം രൂപ പിഴയും . പഴയ ബസ് സ്റ്റാൻ്റ് പരിസരത്ത് വച്ച് നമ്പർ പ്ലേറ്റില്ലാത്ത ബൈക്കിൽ ഒന്നെ കാൽ കിലോ കഞ്ചാവ് വില്പനക്കായി കടത്തികൊണ്ടു പോകുകയായിരുന്ന ബേക്കൽ പൊലീസ് സ്റ്റേഷന് സമീപത്തെ ഷായിസ് അൽ അമീൻ ഇസ്മയിലിനെ 30 യാണ് കാസർകോട് അഡീഷണൽ ഡിസ്ട്രിക്റ്റ് സെഷൻസ് കോടതി (2) ജഡ്ജ് കെ. പ്രിയ ശിക്ഷ വിധിച്ചത് 'പിഴയടച്ചില്ലെങ്കിൽ 3 മാസം അധികതടവും അനുഭവിക്കണം . കേസന്വേഷണം നടത്തി കോടതിയിൽ കുറ്റപത്രം സമർപ്പിച്ചത് കാസർകോട് ഇൻസ്പെക്ടറായിരുന്ന അബ്ദുൾ റഹി യാ ണ് ,പ്രോസിക്യൂഷന് വേണ്ടി അഡീഷണൽ ഗവ: പ്ലീഡർ ചന്ദ്രമോഹൻ ,അഡ്വ: ചിത്രകല എന്നിവർ ഹാജരായിരുന്നു.