യുവാവിനെ തലക്കടിച്ച് കൊലപ്പെടുത്താൻ ശ്രമിച്ച കേസിൽ പ്രതി റിമാൻ്റിൽ

കാഞ്ഞങ്ങാട് : പുല്ലൂർ ചാലിങ്കാലിൽ അയ്യപ്പ ഭജനമന്ദിരത്തിൻ്റെ ഉത്സവ സ്ഥലത്ത് ഭക്ഷണം കഴിച്ച് കൊണ്ടിരുന്ന യുവാവിനെ തലക്കടിച്ച് കൊല്ലാൻ ശ്രമിച്ച കേസിൽ പ്രതിയെ പൊലീസ് അറസ്റ്റ് ചെയ്തു. ചാലിങ്കാലിലെ മണിയെ 30 യാണ് അമ്പലത്തറ പൊലീസ് അറസ്റ്റ് ചെയ്തത്. പ്രതിയെ ഹോസ്ദുർഗ് ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതി റിമാൻ്റ് ചെയ്തു.

 ഗുരുവനത്തെ മുഹമ്മദ് ഇജാസിനെ 20 ആക്രമിച്ച കേസിലാണ് അറസ്റ്റിലായത്. ഞായർ രാതി 11നാണ് സംഭവം. ചാലിങ്കാൽ അയ്യപ്പ ഭജനമന്ദിരത്തിലേക്ക് സുഹൃത്തുക്കളോടൊപ്പം എത്തി ഭക്ഷണശാലയിൽ വെച്ച് ഭക്ഷണം കഴിച്ചു കൊണ്ടിരിക്കെ ഫൈബർ കസേര കൊണ്ട് തലക്കടിക്കുകയായിരുന്നുവെന്നാണ് പരാതി. വീണ്ടും അടിക്കുന്ന സമയം സുഹൃത്തുക്കൾ തടഞ്ഞില്ലായിരുന്നുവെങ്കിൽ മരണം സംഭവിക്കുമായിരുന്നുവെന്നാണ് കേസ്. തലക്ക് ഗുരുതരമായി പരിക്കേറ്റ യുവാവ് ആശുപതിയിൽ ചികിൽസയിലാണ്.   തലേ ദിവസം അയ്യപ്പഭജനമന്ദിരത്തിൽ നടന്ന കുട്ടികളുടെ കലാപരിപാടികളുടെ വീഡിയോ എടുക്കുന്നത് സംബന്ധിച്ചതർക്കമാണ് അക്രമത്തിന് കാരണമെന്നും പറയുന്നു.