യുവാവിനെ സോഡാ കുപ്പി കൊണ്ട് തലക്കടിച്ച് കൊലപ്പെടുത്താൻ ശ്രമിച്ച പ്രതി അറസ്റ്റിൽ

കാഞ്ഞങ്ങാട് : യുവാവിനെ

തലയ്ക്കടിച്ച് കൊലപ്പെടുത്താൻ ശ്രമിച്ച പ്രതി പിടിയിൽ .ഉദുമ പാക്യാര സ്വദേശി തൗഫീർ ആണ് ബേക്കൽ പോലീസിന്റെ  പിടിയിലായത് .

 പള്ളത്ത് നടന്ന വധശ്രമ കേസിലെ പ്രതിയാണ് പിടിയിലായത്. കടം വാങ്ങിയ പണം തിരിച്ച് നൽകാം എന്ന് പറഞ്ഞു  വിളിച്ചുവരുത്തി   കൈകൊണ്ടും  സോഡാ കുപ്പി കൊണ്ടും തലയ്ക്കടിച്ച് കൊലപ്പെടുത്താൻ ശ്രമിക്കുകയായിരുന്നുവെന്നാണ് കേസ് . 

ബേക്കൽ ഡി വൈ എസ് പി വി . വി . മനോജിന്റെ മേൽനോട്ടത്തിൽ ബേക്കൽ ഇൻസ്‌പെക്ടർ ഷൈൻ , എസ്. ഐ എൻ. അൻസാർ   പൊലീസുകാരായ ബിനീഷ് , പ്രസാദ് എന്നിവർ ചേർന്നാണ് പ്രതിയെ പിടികൂടിയത് .