കാഞ്ഞങ്ങാട്:വയോജനങ്ങളുടെ ആശങ്കളും ആകുലതകളും പങ്കുവെച്ച് വയോസഭ. ജില്ലാ പഞ്ചായത്ത് പതിനാലാം പഞ്ചവത്സര പദ്ധതിയുടെ ഭാഗമായി ജില്ലാ സാമൂഹ്യ നീതി ഓഫീസിന്റെ നേതൃത്വത്തിലാണ് വയോസഭ സംഘടിപ്പിച്ചത്. റിട്ട. നാവികസേന കമാന്ഡര് പ്രസന്ന ഇടയില്ലം പരിപാടി ഉദ്ഘാടനം ചെയ്തു. ജില്ലാ പഞ്ചായത്ത് സ്ഥിരംസമിതി ക്ഷേമകാര്യ ചെയര്മാന് ഷിനോജ് ചാക്കോ അധ്യക്ഷത വഹിച്ചു.
എങ്ങനെ വയോജനങ്ങളെ ചേര്ത്തു പിടിക്കാമെന്നും അവര്ക്കായി എന്തൊക്കെ തുടര് പദ്ധതികള് നടപ്പിലാക്കാമെന്നും വയോസഭയില് ചര്ച്ച ചെയ്തു.
വയോജനങ്ങളെ സംരക്ഷിക്കുന്നവര് അവരുടെ പ്രശ്നങ്ങള് അറിയണം. അതിനായി അവര്ക്ക് കൃത്യമായ ട്രെയിനിംഗ് നല്കണം. വയോജനങ്ങളോടു സമൂഹം എങ്ങനെ പെരുമാറണമെന്ന് കുട്ടികളെ മുതല് പഠിപ്പിക്കാനുള്ള പദ്ധതി നടപ്പിലാക്കണമെന്ന് അഭിപ്രായമുയര്ന്നു. ശാരിരികമായും മാനസികമായും സാമ്പത്തികമായും വേണ്ട സഹായങ്ങള് വയോജനങ്ങള്ക്ക് നല്കണമെന്നും വയോസഭയില് അഭിപ്രായപ്പെട്ടു.
ഫോട്ടോ : കാസര്കോട് ജില്ലാ പഞ്ചായത്ത് പതിനാലാം പഞ്ചവത്സര പദ്ധതി 2022 -23 വാര്ഷിക പദ്ധതി 'വയോസഭ' റിട്ട. നാവിക സേന കമാന്ഡര് കേണല് പ്രസന്ന ഇടയില്ലം ഉദ്ഘാടനം ചെയ്യുന്നു.
0 Comments