ചീമേനി പുലിയന്നൂർജാനകി വധക്കേസിൽ പ്രതികൾക്ക് ജീവപര്യന്തം തടവ്

കാസര്‍കോട്:: റിട്ട. പ്രധാനാധ്യാപിക ചീമേനി പുലിയന്നൂരിലെ പി.വി ജാനകിയെ (65) കൊലപ്പെടുത്തി സ്വര്‍ണാഭരണങ്ങളും പണവും കവര്‍ന്ന കേസിലെ ഒന്നും മൂന്നും പ്രതികള്‍ക്ക് ഇന്ന് കോടതി

ജീവപര്യന്തം തടവ് വിധിച്ചു. ജില്ല പ്രിന്‍സിപ്പല്‍ സെഷന്‍സ് കോടതിയുടെ വിധിയിൽ രണ്ടാം പ്രതിയെ വിട്ടയച്ചിരുന്നു.ഒന്നാം പ്രതി പുലിയന്നൂര്‍ ചീര്‍ക്കുളം പുതിയ വീട്ടില്‍ വിശാഖ് (27), മൂന്നാം പ്രതി പുലിയന്നൂരിലെ മക്ലിക്കോട് അള്ളറാട് വീട്ടില്‍ അരുണി എന്ന അരുണ്‍ (30) എന്നിവരെയാണ് ശിക്ഷിച്ചത്. കേസിലെ ചെറുവാങ്ങക്കോട്ടെ റിനീഷിനെ (28) കുറ്റം തെളിയിക്കാന്‍ പ്രോസിക്യൂഷന് സാധിക്കാതിരുന്നതിനാല്‍ കോടതി വിട്ടയച്ചു.2017 ഡിസംബര്‍ 13ന് രാത്രി 9.30 ഓടെ മുഖംമൂടി ധരിച്ച് വീട്ടില്‍ അതിക്രമിച്ചുകയറിയ മൂന്നംഗസംഘം ജാനകിയെ കഴുത്തറുത്ത് കൊലപ്പെടുത്തുകയായിരുന്നു. 17 പവന്‍ സ്വര്‍ണാഭരണങ്ങളും 92,000 രൂപയും കവരുകയും ചെയ്തു. പ്രോസിക്യൂഷനുവേണ്ടി ജില്ല പബ്ലിക് പ്രോസിക്യൂട്ടര്‍ കെ. ദിനേശ്കുമാര്‍ ഹാജരായി.