പ്രവേശനോത്സവത്തിനിടെ തൈക്കടപ്പുറത്ത് വാഹനാപകടം അധ്യാപകന് ഗുരുതര പരിക്ക്

കാഞ്ഞങ്ങാട്: ഇന്ന് നടന്ന സ്ക്കൂൾ പ്രവേശനോത്സവത്തിനിടെയുണ്ടായ വാഹനാപകടത്തിൽ അധ്യാപകന് ഗുരുതര പരിക്ക്

മരക്കാപ്പുകടപ്പുറം ഗവ.ഫിഷറീസ് ഹൈസ്ക്കൂൾ അധ്യാപകൻ കരിവെള്ളൂർ വെള്ളച്ചാലിലെ സുരേഷിനാണ് 42 പരിക്ക്. മൂക്കിനും കാലിനും സാരമായി പരിക്കേറ്റ് കാഞ്ഞങ്ങാട് ജില്ലാശുപത്രിയിൽ പ്രവേശിപ്പിച്ചു

തൈക്കടപ്പുറം ജംഗ്ഷന് സമീപം ഉച്ചക്കാണ് അപകടം. അധ്യാപകൻ സഞ്ചരിച്ച മോട്ടോർ ബൈക്ക് മുൻപിലുണ്ടായിരുന്ന കാർ പെട്ടന്ന് വെട്ടിച്ചപ്പോൾ കാറിലിടിക്കുകയായിരുന്നുവെന്ന് പറയുന്നു.

പ്രവേശനോത്സവം കഴിഞ്ഞ് അധ്യാപകർക്കുള്ള ഭക്ഷണം  തികയാതെ വന്നപ്പോൾ ഹോട്ടലിൽ നിന്ന് ഭക്ഷണം വാങ്ങാൻ പോകുന്നതിനിടെയാണ് അപകടം