ഉപതിരഞ്ഞെടുപ്പ് മുന്നിടത്ത് എൽ ഡി എഫ് ,രണ്ടിടത്ത് യു ഡി എഫ്

കാഞ്ഞങ്ങാട്: ജില്ലയിൽ ഉപതിരഞ്ഞെടുപ്പ് നടന്ന അഞ്ച് വാർഡുകളിൽ മൂന്നിടത്ത് എൽ ഡി എഫും രണ്ടിടത്ത് യു ഡി എഫും വിജയിച്ചു.ബി ജെ പി ക്ക് എവിടെയും വിജയിക്കാനായില്ല.

ഉപതെരഞ്ഞെടുപ്പ്;  കാഞ്ഞങ്ങാട് നഗരസഭ

എൻ. ഇന്ദിര 464 വോട്ടിന് വിജയിച്ചു

തദ്ദേശ സ്ഥാപനങ്ങളിലേക്കുള്ള ഉപതെരഞ്ഞെടുപ്പ്;  കാഞ്ഞങ്ങാട് നഗരസഭ തോയമ്മൽ (വാർഡ്‌11) എൽഡിഎഫ് സ്ഥാനാർത്ഥി എൻ. ഇന്ദിര (സി പി  എം) 464 വോട്ടിന്റെ ഭൂരിപക്ഷത്തിൽ വിജയിച്ചു. ജി.എച്ച് എസ്. എസ്. ബല്ലാ ഈസ്റ്റ് തെക്കേ കെട്ടിടത്തില്‍ നടന്ന വോട്ടെടുപ്പില്‍ 84.3 ശതമാനം പോളിങ് രേഖപ്പെടുത്തിയിരുന്നു. 

 എൻ. ഇന്ദിര 701 വോട്ട്, യൂഡിഎഫ് സ്ഥാനാർത്ഥി പി.നാരായണി (ഐ എൻസി ) 237 വോട്ട്, ബിജെപി സ്ഥാനാർത്ഥി എം.എ രേഷ്മ 72 വോട്ട്. കാഞ്ഞങ്ങാട് നഗരസഭ  വികസന സ്റ്റാൻഡിങ് കമ്മിറ്റി ചെയർപേഴ്സൺ സി. ജാനകിക്കുട്ടിയുടെ മരണത്തെ തുടർന്നാണ് ഇവിടെ തെരഞ്ഞെടുപ്പ് നടന്നത്.ആകെ വോട്ട് 1158. പോൾ ചെയ്തത് 1010.

പള്ളിക്കര പത്തൊൻപതാം വാർഡിൽ സമീറ അബാസ് വിജയിച്ചു

ജില്ലയിൽ തദ്ദേശ സ്വയംഭരണ  തിരഞ്ഞെടുപ്പിന്റെ ഭാഗമായി പള്ളിക്കര പഞ്ചായത്ത് 19-ാം വാർഡിൽ നടന്ന തിരഞ്ഞെടുപ്പിൽ സമീറ അബാസ് (ഐയുഎം എൽ )വിജയിച്ചു.  831 വോട്ടുകൾ നേടിയാണ് സമീറ ജയിച്ചത്.ബി ജെ പി സ്ഥാനാർത്ഥി ഷൈലജ 12 വോട്ടുകളും സ്വതന്ത്ര സ്ഥാനാർത്ഥി റഷീദ 235 വോട്ടുകളുമാണ് നേടിയത്.

വോട്ടെടുപ്പില്‍ 57. 14 ശതമാനം പോളിങ് രേഖപ്പെടുത്തി.891 പുരുഷന്‍മാരും 995 സത്രീകളുമായി 1886 വോട്ടർമാരാണുള്ളത്. 1078  വോട്ടുകളാണ് രേഖപ്പെടുത്തിയിട്ടുള്ളത്.461 പുരുഷന്‍മാരും 617 സത്രീകളുമാണ് വോട്ടുകൾ രേഖപ്പെടുത്തിയത്.വനിത സംവരണം വാർഡായിരുന്നു പള്ളിപ്പുഴ.

കുമ്പള പഞ്ചായത്ത് 14-ാം വാര്‍ഡ് പെര്‍വാഡിൽ  എൽഡിഎഫ് സ്ഥാനാർഥി എസ് അനിൽകുമാർ വിജയിച്ചു

ബദിയടുക്ക പഞ്ചായത്ത് 14-ാം വാര്‍ഡ് പട്ടാജെയിൽ യുഡിഎഫ് സ്ഥാനാർഥി കെ. ശ്യാമപ്രസാദ് വിജയിച്ചു ബി ജെ പിയിൽ നിന്നും യുഡിഎഫ് സീറ്റ് പിടിച്ചെടുക്കുകയായിരുന്നു'

കള്ളാര്‍ പഞ്ചായത്ത് 2-ാം വാര്‍ഡ് ആടകത്തില്‍ സ്വതന്ത്ര സ്ഥാനാര്‍ഥി സണ്ണി അബ്രഹാം വിജയിച്ചു

കള്ളാര്‍ പഞ്ചായത്ത് 2-ാം വാര്‍ഡ് ആടകത്തിലേക്ക് എ.എല്‍.പി സ്‌കൂള്‍ കള്ളാറില്‍ നടത്തിയ വോട്ടെടുപ്പില്‍ എൽ ഡി എഫ് സ്വതന്ത്ര സ്ഥാനാര്‍ഥി സണ്ണി അബ്രഹാം 33 വോട്ടുകളുടെ ഭൂരിപക്ഷത്തില്‍  വിജയിച്ചു. സണ്ണി അബ്രഹാം 441 വോട്ടുകള്‍ നേടി,  സജി പ്ലാച്ചേരി (ഇന്ത്യൻ നാഷണൽ കോൺഗ്രസ്-ഐ) 408 വോട്ടും  സുനേഷ് നാരായണന്‍ (ബി ജെ പി ) 90 വോട്ടും നേടി. 939 വോട്ടുകളാണ് രേഖപ്പെടുത്തിയത്.  441 പുരുഷന്മാരും , 498 സ്ത്രീകളും വോട്ട് രേഖപ്പെടുത്തി. 79.71 ശതമാനം പോളിങ് രേഖപ്പെടുത്തി. ആകെ വോട്ടര്‍മാര്‍ -1178കുമ്പള പഞ്ചായത്ത് 14-ാം വാര്‍ഡ് പെര്‍വാഡില്‍  എസ് അനില്‍കുമാര്‍ വിജയിച്ചു

കുമ്പള പഞ്ചായത്ത് 14-ാം വാര്‍ഡ് പെര്‍വാഡില്‍എല്‍ഡിഎഫ് സ്ഥാനാര്‍ഥി എസ് അനില്‍കുമാര്‍ (സി പി ഐ എം )189 വോട്ട് ഭൂരിപക്ഷത്തില്‍ വിജയിച്ചു.  എസ് അനില്‍കുമാര്‍ ആകെ 675 വോട്ടുകള്‍ നേടി. യുഡിഎഫ് സ്ഥാനാര്‍ഥി എംജി നാസര്‍ (ഐയുഎംഎല്‍) 486 വോട്ടും,  സ്ഥാനാര്‍ഥി കെഎം അബ്ദുള്‍ ഷാനിഫ് (എസ്ഡിപിഐ) 141 വോട്ടും,   മുരളീധര യാദവ് (ബിജെപി ) 61വോട്ടും, സ്വതന്ത്രന്‍ അനീഷ് കുമാര്‍ 11 വോട്ടും നേടി. ആകെ 1,374 വോട്ടുകള്‍ രേഖപ്പെടുത്തി. 761സ്ത്രീകളും  613പുരുഷന്‍മാരും വോട്ട് രേഖപ്പെടുത്തി. ആകെ വോട്ട്- 1825. വാര്‍ഡംഗമായിരുന്ന  കൊഗ്ഗു അയോഗ്യനായതിനെത്തുടര്‍ന്നാണ് ഉപതെരഞ്ഞെടുപ്പ് നടന്നത്.ബദിയടുക്ക പഞ്ചായത്ത് 14-ാം വാര്‍ഡ് പട്ടാജെയില്‍  കെ. ശ്യാമപ്രസാദ് വിജയിച്ചു.

 ബദിയടുക്ക പഞ്ചായത്ത് 14-ാം വാര്‍ഡ് പട്ടാജെയില്‍ യുഡിഎഫ് സ്ഥാനാര്‍ഥി കെ. ശ്യാമപ്രസാദ് (ഇന്ത്യൻ നാഷണൽ കോൺഗ്രസ് ഐ ) 39 വോട്ടുകളുടെ ഭൂരിപക്ഷം നേടി വിജയിച്ചു. കെ. ശ്യാമപ്രസാദ് 427 വോട്ടുകള്‍ നേടി. മഹേഷ് വളക്കുഞ്ച (ബിജെപി )  389 വോട്ടുകളും, എൽ ഡി എഫ്  സ്ഥാനാര്‍ഥി എം മദന (സിപിഎം )199 വോട്ടുകളും നേടി. ആകെ  1015 വോട്ടുകള്‍ പോള്‍ ചെയ്തു. 497 പുരുഷന്‍മാരും 518 സ്ത്രീകളും വോട്ട് രേഖപ്പെടുത്തി. പട്ടാജെ അംഗന്‍വാടിയില്‍ നടന്ന വോട്ടെടുപ്പില്‍ 79.607 ശതമാനം പോളിങ് രേഖപ്പെടുത്തിയിരുന്നു ആകെ വോട്ട് 1275