മയക്കുമരുന്ന് വിരുദ്ധ ശൃംഖലയും ബോധവത്ക്കരണ ക്ലാസും ശ്രദ്ധേയമായി

കാഞ്ഞങ്ങാട്:നാളത്തെ കേരളം ലഹരിമുക്ത നവകേരളം തീവ്രയജ്ഞ ബോധവത്ക്കരണ പരിപാടിയുടെ ഭാഗമായി കാഞ്ഞങ്ങാട് നഗരസഭ വിദ്യാലയങ്ങളിൽ മയക്ക് മരുന്ന് വിരുദ്ധ ശൃംഖലയും ബോധവൽക്കരണ ക്ലാസ്സും നടത്തി. ജി.എച്ച്.എസ് ബല്ല ഈസ്റ്റ്, ജിഎച്ച്എസ് ഉപ്പിലിക്കെ എന്നിവിടങ്ങളിൽ നടന്ന പരിപാടി കാഞ്ഞങ്ങാട് നഗരസഭാ ചെയർപേഴ്സൺ കെ. വി സുജാത ഉദ്ഘാടനം ചെയ്തു. നഗരസഭാ സ്ഥിരം സമിതി അധ്യക്ഷൻമാരായ കെ. ലത,  കെ.വി സരസ്വതി, കൗൺസിലർമാരായ പി.വി മോഹനൻ, പള്ളിക്കൈ രാധാകൃഷ്ണൻ, ജി.എച്ച്.എസ് ബല്ല ഈസ്റ്റ് പ്രിൻസിപ്പാൾ  

സി.വി അരവിന്ദൻ,  പ്രധാനാധ്യാപിക വത്സലക്കുട്ടി, ജി എച്ച് എസ് ഉപ്പിലിക്കൈ പ്രിൻസിപ്പാൽ രത്നമ്മ പ്രധാനാദ്ധ്യാപകർ സെബാസ്റ്റ്യൻ എന്നിവർ സംസാരിച്ചു. മയക്ക് മരുന്ന് വിരുദ്ധ ശൃംഖലയിൽ 1500 വിദ്യാർഥികൾ പങ്കെടുത്തു.