സ്കൂൾ ക്ലാസ് വാട്സാപ്പ് കൂട്ടായ്മ വഴി പൊലീസ് നീക്കങ്ങൾ ചോർത്തി രണ്ട് പേർ അറസ്റ്റിൽ

രാജപുരം :സ്കൂൾ  ക്ലാസിലെ വാട്സ് ആപ്പ് കൂട്ടായ്മയുടെ പേരിൽ മദ്യവും ലഹരി ഉൽപ്പന്നങ്ങളും കടത്തുന്നതിന് ഒത്താശ ചെയ്ത രണ്ടുപേരെ രാജപുരം പൊലീസ് അറസ്റ്റ് ചെയ്തു. പനത്തടി ചാമുണ്ഡിക്കുന്ന് ചന്ദ്രവിലാസം ഹൗസിൽ സി.എം നിധിൻ ( 26) ബളാന്തോട് മാച്ചിപ്പള്ളി കണ്ടത്തുരുത്തി ഹൗസിൽ പി.വിനീഷ് എന്നിവരെ രാജപുരം ഇൻസ്പെക്ടർ കൃഷ്ണൻ കെ. കാളിദാസും സംഘവുമാണ അറസ്റ്റ് ചെയ്തത്. പൊലീസിന്റെ നീക്കങ്ങൾ വാട്സ്ആപ്പ് ഗ്രൂപ്പ് വഴി മദ്യ കടത്തുകാർക്ക് നൽകി വരികയായിരുന്നു. ബളാനോട് എച്ച്. എസ്. എസ് ഏഴാം ക്ലാസ് എന്ന പേരിലുള്ള വാട്സപ്പ് കൂട്ടായ്മ മറയാക്കിയാണ് മദ്യ ലഹരി കടത്ത്.പിക്കപ്പ് ഡ്രൈവറാണ് നിധിൻ.ബിനീഷ് ഓട്ടോ ഡ്രൈവറാണ്. ഇരുവരുടെയും മൊബൈൽ ഫോണുകൾ പാെലീസ് പിടിച്ചെടുത്തു.വ്യാഴാഴ്ചയാണ്  സംഭവം.