പനത്തടിയിൽ പുലി ഇറങ്ങിയതായി സംശയം വളർത്ത് പട്ടികളെ കൊന്നു ഒന്നിന് പരിക്ക്

രാജപുരം :പനത്തടിയിൽ പുലി ഇറങ്ങിയതായി സംശയം. രണ്ട് വളർത്ത് പട്ടികളെ കൊന്നു. ഒന്നിന് കടിയേറ്റു.

.തുടർന്ന് പ്രദേശത്ത് വനം വകുപ്പ് അധികൃതർ ക്യാമറ സ്ഥാപിച്ചു. ചാമുണ്ഡിക്കുന്ന് വണ്ണാർക്കയം പ്രദേശത്ത് പുലിയിറങ്ങിയെന്നാണ് സംശയം. പ്രദേശത്തെ ഒരു വളർത്തുനായയെ കഴിഞ്ഞദിവസം കടിയേറ്റ നിലയിൽ കണ്ടെത്തിയിരുന്നു. മണ്ണാർക്കയത്തെ രാഘവന്റെ വീട്ടിലെ നായയെയാണ് അക്രമിച്ച നിലയിൽ കണ്ടത്. ഇതേ വീട്ടിൽ നിന്നും ഒരാഴ്ച മുമ്പ് നായയെ കാണാതായിരുന്നു.

ഇതടക്കം രണ്ട് നായകളെ കൊന്നെ

ന്നാണ് വനപാലകർ കരുതുന്നത്.

ഇതോടെ വനം വകുപ്പ് അധികൃതർ സ്ഥലം സന്ദർശിച്ചു. പിന്നാലെ ക്യാമറ സ്ഥാപിക്കുകയായിരുന്നു. പ്രദേശത്ത് വനപാലകർ നിരീക്ഷണം ശക്തമാക്കി. ഫോറസ്റ്റ് പനത്തടി സെക്ഷൻ ഓഫീസർ സേസപ്പയുടെ നേതൃത്വത്തിലാണ് നിരീക്ഷണവും പരിശോധനയും നടക്കുന്നത്.