അയ്യപ്പ ഭക്തർ സഞ്ചരിച്ച ബസ് തല കീഴായി മറിഞ്ഞു 10 പേർക്ക് പരിക്ക്

ചിറ്റാരിക്കാൽ :അയ്യപ്പഭക്തർ സഞ്ചരിച്ച മിനി ബസ് നിയന്ത്രണം വിട്ടു മറിഞ്ഞു. അപകടത്തിൽ 10 പേർക്ക് പരിക്കേറ്റു. ഇന്ന് രാത്രി 9. 30 മണിയോടെ ചിറ്റാരിക്കാലിന് സമീപം പറമ്പ കാറ്റാം കവല റോഡിലാണ് അപകടം. ശബരിമല ദർശനം കഴിഞ്ഞ് തിരിച്ചു പോവുകയായിരുന്ന കർണാടക ഷിമോഗ

സ്വദേശികൾ സഞ്ചരിച്ച ബസ്സാണ് അപകടത്തിൽപ്പെട്ടത് .നിയന്ത്രണംവിട്ട ബസ് വളവിൽ തല കീഴായി മറിയുകയായിരുന്നു .കുട്ടികൾ ഉൾപ്പെടെ 21 പേരാണ് ബസ്സിലുണ്ടായിരുന്നത് .നാട്ടുകാരും പൊലീസും സ്ഥലത്തെത്തിയാണ് രക്ഷാപ്രവർത്തനം നടത്തിയത് . പരിക്കേറ്റവരെ ആംബുലൻസുകളിൽ ആശുപത്രിയിൽ എത്തിച്ചു.