കാഞ്ഞങ്ങാട്:2023 -24 വർഷത്തെ ജനകീയാസൂത്രണ പദ്ധതിയിൽ ഉൾപ്പെടുത്തി നഗരസഭാ പരിധിയിലെ പതിനാറ് സർക്കാർ സ്കൂളുകളിലെ അടിസ്ഥാന വികസനത്തിനായി 15 ലക്ഷം രൂപയുടെഫർണിച്ചറുകൾ നൽകി. പഠനത്തിനായി ഏറ്റവും കൂടുതൽ ഉപയോഗപ്പെടുത്തുന്ന ബെഞ്ചും ഡസ്ക്കുമാണ് നൽകിയത്.
ഹോസ്ദുർഗ് ഗവ: ഹയർ സെക്കന്ററി സ്കൂളിൽ നടന്ന ചടങ്ങ് നഗരസഭാ ചെയർപേഴ്സൺ കെ.വി.സുജാത ഉദ്ഘാടനം ചെയ്തു. വൈസ് ചെയർമാൻ ബിൽട്ടക്ക് അബ്ദുള്ള അധ്യക്ഷത വഹിച്ചു. സ്റ്റാൻഡിങ് കമ്മിറ്റി ചെയർമാൻമാരായ കെ.ലത, അഹമ്മദ് അലി.പി, കെ.അനീശൻ, കെ.വി.പ്രഭാവതി,
വിദ്യാഭ്യാസ വർക്കിംഗ് ഗ്രൂപ്പ് ചെയർമാൻ പി.വി.മോഹനൻ, സ്കൂൾ ഹെഡ്മാസ്റ്റർ എസ്.പി.കേശവൻ, പി.ടി.എ വൈസ് പ്രസിഡന്റ് കെ.ദിനേശൻ സംസാരിച്ചു. വാർഡ് കൗൺസിലർ വന്ദന ബൽരാജ് സ്വാഗതവും സ്കൂൾ പ്രിൻസിപ്പലും നിർവ്വഹണ ഉദ്യോഗസ്ഥനുമായ ഡോ:എ.വി.സുരേഷ് ബാബു നന്ദി പറഞ്ഞു.
0 Comments