പടന്നക്കാട് അപകടം: 108 ആംബുലൻസ് ഡ്രൈവർക്കെതിരെ കേസ്

കാഞ്ഞങ്ങാട് : അവശനിലയിലായ യുവാവുമായിജില്ലാ ആശുപത്രിയിൽ നിന്നും  പരിയാരം മെഡിക്കൽ കോളേജിലേക്ക് പോവുകയായിരുന്ന 108 ആംബുലൻസ് ലോറിയിൽ ഇടിച്ചതുമായി ബന്ധപെട്ട് ആരോഗ്യവകുപ്പിന്റെ 108 ആംബുലൻസ്

ഡ്രൈവർക്കെതിരെ

ഹോസ്ദുർഗ് പൊലീസ് കേസെടുത്തു.  അപകടത്തിൽ ആംബുലൻസിലുണ്ടായിരുന്ന അടമ്പിലെ രാജീവൻ 43,നഴ്സ് ആര്യ 25 എന്നിവർക്ക്

 പരിക്കേറ്റിരുന്നു. 

ഇന്നലെ വൈകുന്നേരം ദേശീയപാതയിൽ പടന്നക്കാട് മേൽപ്പാലത്തിന് സമീപത്താണ് അപകടം.  പടന്നക്കാട് റെയിൽവേ മേൽപ്പാലത്തിലേക്ക് കയറുന്ന സമയത്താണ് കാഞ്ഞങ്ങാട് ഭാഗത്തേക്ക് വരികയായിരുന്ന നാഷണൽ പെർമിറ്റ് ലോറിയിൽ ആംബുലൻസ് ഇടിച്ചത് . ആംബുലൻസിൽ യാത്ര ചെയ്തിരുന്ന അടമ്പിലെ എ.സജീന്ദ്രൻ്റെ പരാതിയിലാണ് കേസ്.