ഭർത്താവിന്റെ മാതാവിനെ മർദ്ദിച്ച പഞ്ചായത്ത് മെമ്പർക്കെതിരെ കേസ്

പരപ്പ :ഭർതൃ മാതാവിനെ മർദ്ദിച്ചു വന്ന പരാതിയിൽ പഞ്ചായത്ത് അംഗമായ മരു മകൾക്കെതിരെ പൊലീസ് കേസെടുത്തു.വെസ്റ്റ് എളേരി പഞ്ചായത്ത് അംഗം എം.വി. 

ലിജിനക്കെതിരെ ചിറ്റാരിക്കൽ പൊലീസാണ് കേസെടുത്തത്.ഭർത്താവ് രതീഷിന്റെ അമ്മ മൗക്കോട് പിലാങ്കുവിൽ കമലാക്ഷിയുടെ  പരാതിയാണ് കേസ്. മകന് ഭക്ഷണവുമായി  എത്തിയപ്പോഴാണ് മർദ്ദിച്ചതെന്നാണ് പരാതി.ലിജിനയും ഭർത്താവും സ്വര ചേർച്ചയിലില്ല. വിവാഹമോചനത്തിന് കേസ് നൽകിയിരിക്കുകയാണ്. സൈനികനായ രതീഷ്  വീട്ടിലെത്തിയതാരുന്നു. ലിജിനെയും ഈ വീട്ടിൽ തന്നെയാണ് താമസം.രതീഷിന് ഭക്ഷണവുമായെത്തിയതായിരുന്നു    കമലാക്ഷി. ഈ സമയത്താണ് ലിജിന കമലാക്ഷിയെ തടഞ്ഞിട്ട് നിലം വൃത്തിയാക്കാനുപയോഗിക്കുന്ന വടികൊണ്ട് മുഖത്തടിച്ചതെന്നാണ് പരാതി.അടിയുടെ ആഘാതത്താൽ മറിഞ്ഞു വീഴുകയും ചെയ്തു. തുടർന്ന്നടുവിന് ചതവ് പറ്റിയതായും പരാതിയിലുണ്ട്. ഭീമനടി ഓട്ടപ്പടവിൽ വച്ചാണ് സംഭവം.