കുപ്രസിദ്ധ മോഷ്ടാവ് കാസർകോട്ട് അറസ്റ്റിൽ

കാസർകോട്: സംസ്ഥാനത്തിൻ്റെ വിവിധ ഭാഗങ്ങളിൽ കവർച്ചാ കേസുകളുള്ള കുപ്രസിദ്ധ കവർച്ചക്കാരനെ കാസർകോട്ട് നിന്നും അറസ്റ്റ് ചെയ്തു. കാസർകോട്, വടകര , പാലക്കാട് ഉൾപ്പെടെ കവർച്ച നടത്തിയ പാലക്കാട് പറളി മൂത്തൻതറപാളയം അഞ്ചാം മൈൽ എടത്തറയിലെ രമേഷനെ 36 യാണ് അറസ്റ്റ് ചെയ്തത്. കാസർകോട്ട ടൗൺ എസ്.ഐ അഖിലിൻ്റെ നേതൃത്വത്തിലുള്ള

പൊലീസും പാലക്കാട് നിന്നു മെത്തിയ പൊലീസും ചേർന്നാണ് കാസർകോട്ട് നിന്നും പ്രതിയെ അറസ്റ്റ് ചെയ്തത്. കാസർകോട് അടച്ചിട്ട വീട് കുത്തി തുറന്ന് കവർച്ച നടത്തിയ കേസിലെ പ്രതിയാണെന്ന് പൊലീസ് ഉത്തര മലബാറിനോട് പറഞ്ഞു. ബീരന്ത് വയലിലെ ആർ. ലക്ഷ്മി നാരായണ നായി കിൻ്റെ അടച്ചിട്ട വീട് കുത്തി തുറന്ന് 2000 രൂപ കവർന്ന കേസിൽ പ്രതിയാണ്. കഴിഞ്ഞ ഏപ്രീൽ 18ന് ആയിരുന്നു കവർച്ച. കുടുംബംബംഗ്ളുരുവിലെ മകൻ്റെ വീട്ടിൽ പോയ സമയത്ത് വീട് കുത്തി തുറന്ന് മോഷണം നടത്തുകയായിരുന്നു. ജയിലിൽ നിന്നുമിറങ്ങിയ പ്രതികാസർകോട്ടേക്ക് ജോലി അന്വേഷിച്ചെന്ന വ്യാജേനെ എത്തി മോഷണം നടത്തുകയായിരുന്നു.