കാറിൽ കടത്തിയ മയക്ക് മരുന്നു മായി നാല് യുവാക്കൾ അറസ്റ്റിൽ

കാസർകോട്:കാറിൽ കടത്തി

കൊണ്ട് പോവുകയായിരുന്ന മയക്ക് മരുന്നു മായി നാല് യുവാക്കളെ പൊലീസ് അറസ്റ്റുചെയ്തു. വിൽപനക്ക് കൊണ്ടുവന്ന 29.4 ഗ്രാം എം.ഡി.എം.എയാണ് മഞ്ചേശ്വരം 

പൊലീസ് പിടികൂടിയത് .

പൈവളിക ബായിക്കട്ടയിൽ വെച്ചാണ് സംഘം പിടിയിലായത്.  ബള്ളൂർ സ്വദേശി മുഹമ്മദ് അഷ്‌റഫ്21 , കൊടിബയിൽ സ്വദേശി സയ്യദ്‌ നവാസ് 30, ബള്ളൂർ സ്വദേശി അഹമ്മദ് ഷമ്മാസ് 20, ബണ്ട്വാൾ സ്വദേശി മുഹമ്മദ് ഇസാഖ്20 എന്നിവരാണ് പിടിയിലായത് .

ജില്ലാ പൊലീസ് മേധാവി ഡി. ശിൽപ്പയുടെ മേൽനോട്ടത്തിൽ  ഡി വൈ എസ് പി സി.കെ. സുനിൽ കുമാർ നൽകിയ  നിർദ്ദേശ പ്രകാരം മഞ്ചേശ്വരം ഇൻസ്പെക്ടർ ടോൾസൺ ജോസഫ് എസ് ഐ രതീഷ് ഗോപി , സീനിയർ സിവിൽ ഓഫീസർ രാജേഷ് കുമാർ , ഡ്രൈവർ സിവിൽ ഓഫീസർ 

 ഷുക്കൂർ , സിവിൽ ഓഫീസർ പ്രശോബ് എന്നിവർ ചേർന്നാണ് പ്രതികളെ പിടികൂടിയത് . എം .ഡി.എം.എ കടത്തിയ കാർ കസ്റ്റഡിയിലെടുത്തു.