കാറിൽ കൊണ്ട് പോവുകയായിരുന്ന ഒരു കോടി പതിനേഴരലക്ഷം രൂപ പിടിച്ചു

കാഞ്ഞങ്ങാട് :കാറിൽ കൊണ്ട് പോവുകയായിരുന്ന ഒരുകോടി പതിനേഴരലക്ഷംരൂപ പൊലീസ് പിടിച്ചു. ബേക്കൽ പൊലീസ് ഇന്ന് രാവിലെ കോട്ടിക്കുളത്ത് നിന്നു മാണ് പണം പിടിച്ചത്. കോട്ടിക്കുളം ഹോട്ടൽ പരിസരത്ത് നിർത്തിയിട്ടിരുന്ന കാറിൽ നിന്നു മാണ് പണം കണ്ടെത്തിയത്. രണ്ട് പേരെ കസ്റ്റഡിയിലെടുത്തു. പണം എണ്ണി തിട്ടപ്പെടുത്തി കഴിഞ്ഞു. രഹസ്യവിവരത്തെ തുടർന്നായിരുന്നു പരിശോധന. കേസെടുത്ത് പണം കോടതിയിൽ കൈമാറുമെന്ന് പൊലീസ് പറഞ്ഞു.