മട്ളായി അപകടം മരിച്ചത് 18 വയസുകാരൻ, അടിയന്തര നടപടിക്ക് മന്ത്രിയുടെ നിർദ്ദേശം

കാഞ്ഞങ്ങാട് :ഇന്ന് രാവിലെ 11 മണിക്ക് ചെറുവത്തൂർ  മട്ടലായി  ദേശീയപാതയുടെ പ്രവർത്തനത്തിൻ്റെ ഭാഗമായി മട്ടലായി കുന്നിൽ  മണ്ണ് നീക്കം  ചെയ്യുന്നതിനിടയിൽ കുന്നിടിഞ്ഞ് മരിച്ച യുവാവിനെയും പരിക്കേറ്റ  2 പേരെയും തിരിച്ചറിഞ്ഞു.   വെസ്റ്റ് ബംഗാൾ കൊൽക്കറ്റ സ്വദേശിയായ മുംതാജ് മീർ  18 ആണ് മരിച്ചത്.കൊൽക്കത്ത സ്വദേശികളായ മുന്നാൽ ലസ്കർ 55  മോഹൻ തേജർ 18  എന്നിവർക്കാണ് സാരമായി പരിക്കേറ്റിട്ടുള്ളത്. സാരമായി പരിക്കേറ്റവർ ചെറുവത്തൂർ  സ്വകാര്യ ആശുപത്രിയിൽ ചികിത്സയിലാണ്. മൃതദേഹം കണ്ണൂർ ഗവ. മെഡിക്കൽ കോളേജിലേക്ക് മാറ്റും.പൊലീസും ഫയർഫോഴ്സും രക്ഷാപ്രവർത്തനം നടത്തി.

മട്ടലായിക്കുന്ന് ദേശീയപാത നിർമ്മാണത്തിലെ അപകടം മന്ത്രി എ. കെ. ശശീന്ദ്രൻ അടിയന്തര നടപടിക്ക് നിർദ്ദേശം നൽകി 

കാസർകോട് ജില്ലയിലെ ചെറുവത്തൂർ മട്ടലായി ദേശീയപാതയിൽ മണ്ണിടിച്ചിലിനെ തുടർന്ന് ഒരു തൊഴിലാളി മരിക്കാനും  തൊഴിലാളികൾക്ക് പരിക്കേൽക്കാനും  ഇടയായ അപകടത്തെക്കുറിച്ച് ജില്ലയുടെ ചുമതലയുള്ള  വനം, വന്യജീവി വകുപ്പ് മന്ത്രി എ. കെ. ശശീന്ദ്രൻ ഉന്നത ഉദ്യോഗസ്ഥരിൽ നിന്ന് വിവരങ്ങൾ ആരാഞ്ഞു. അടിയന്തര നടപടിക്ക് നിർദ്ദേശം നൽകി . അപകടത്തെക്കുറിച്ച് ജില്ലാ കലക്ടറുമായുംജില്ലാ പൊലീസ് മേധാവിയുമായും സംസാരിച്ച മന്ത്രി

അന്വേഷണം നടത്താൻ  പൊലീസിനോട്  നിർദ്ദേശം നൽകി. സ്ഥലം സന്ദർശിക്കുന്നതിന്

 ജില്ലാ കലക്ടറോടും മന്ത്രി നിർദേശിച്ചു. 

പരിക്കേറ്റവർക്ക് അടിയന്തര വൈദ്യ സഹായം ലഭ്യമാക്കുന്നതിനും മന്ത്രി നിർദേശം നൽകി.