എം.ഡി.എം.എയുമായി യുവാവ് അറസ്റ്റിൽ

കാസർകോട്: രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ വീട്ടിൽ സൂക്ഷിച്ച 06.30 ഗ്രാം എംഡിഎംഎ യുമായി ഒരാൾ പിടിയിലായി. എൻമകജെ, പെർളയിൽ താമസിക്കുന്ന ഉപ്പള ഹിദായത്ത് നഗർ സ്വദേശി അബ്ദുൾ ലത്തീഫ്43 ആണ് പൊലീസ് പിടിയിലായത് ബദിയടുക്ക ഇൻസ്‌പെക്ടർ സുധീർ , എസ്ഐ സുമേഷ് ബാബു, രൂപേഷ്, സീനിയർ സിവിൽ ദിനേശ് , സിപിഒ മാരായ അനിത , ഹരിപ്രസാദ് എന്നിവർ ചേർന്നാണ് പ്രതിയെ പിടികൂടിയത് .ഈ മാസം മൂന്നാം തിയ്യതി 26.100 ഗ്രാം എം ഡി എം എ യുമായി 2 പേർ പിടിയിലായിരുന്നു കാസർകോട് ബേള സ്വദേശി മുഹമ്മദ് ആസിഫ് 31, കുഡ്‌ലു ആസാദ് നഗർ സ്വദേശി ഇഖ്ബാൽ 30 എന്നിവരാണ് പൊലീസ് പിടിയിലായത്. പതിനെട്ടാം തിയ്യതി വീട്ടിൽ സൂക്ഷിച്ച 107 .09  ഗ്രാം എംഡിഎംഎ യുമായി ഒരാൾ പിടിയിലായിരുന്നു നെക്രാജെ പ്ലാവിന്റടി സ്വദേശി മുഹമ്മദ് റഫീഖ് 23ആണ്  പിടിയിലായത്. ഇതോടെ ഈ മാസം ഇതുവരെ 3 കേസുകളിലായി 140 ഗ്രാമോളം എംഡിഎംഎ യാണ് ബദിയടുക്ക പൊലീസ് പിടികൂടിയത് . 

നിരോധിത ലഹരിവസ്തുക്കൾ ജില്ലയിലെത്തുന്ന ശൃംഖലയിലെ മുഖ്യ കണ്ണികളെ ലഷ്യമിട്ടു കൊണ്ട് ജില്ലാ പൊലീസ് മേധാവി  ബി.വി വിജയ ഭരത് റെഡ്‌ഡിയുടെ നിർദ്ദേശ പ്രകാരം ഡി വൈ എസ് പി സുനിൽ കുമാറിന്റെ മേൽനോട്ടത്തിൽ നടത്തിയ അപ്രതീക്ഷിത പരിശോധനയിലാണ് ജില്ലയിൽ എംഡിഎംഎ വിതരണം ചെയുന്ന മുഖ്യ കണ്ണികൾ പിടിയിലായത്. ജില്ലയിൽ സബ് ഡിവിഷൻ ഡിവൈഎസ്പി മാരുടെ നേതൃത്വത്തിൽ പരിശോധന കർശനമാക്കി.