നീലേശ്വരം : തോട്ടിൽ ദുരൂഹ സാഹചര്യത്തിൽ കണ്ട മൃതദേഹത്തിന് മൂന്ന് ദിവസത്തെ പഴക്കം. കിനാനൂർ കരിന്തളംനെല്ലിയടുക്കം കിളിയളം ചാലിൽ കണ്ട മൃതദേഹം പൂർണ നഗ്നനാവസ്ഥയിലായിരുന്നുവെന്ന് മൃതദേഹം പുറത്തെടുത്ത കാഞ്ഞങ്ങാട് ഫയർ ഫോഴ്സ് ഉദ്യോഗസ്ഥർ പറഞ്ഞു. അടിവസ്ത്രവുമില്ലായിരുന്നു. അഴുകി തുടങ്ങിയതിനാൽ മൃതദേഹം തിരിച്ചറിയാൻ സാധിച്ചിട്ടില്ല. പ്രദേശത്തുള്ളവരുടെതല്ലെന്ന് വ്യക്തമായിട്ടുണ്ട്. മറ്റെവിടെനിന്നെങ്കിലും ഒഴുകിയെത്തിയതെന്നാണ് കരുതുന്നത്.
ഇന്ന് ഉച്ചയോടെയാണ് ചാലിലെ വല്ലയിൽ കുടുങ്ങിയ നിലയിൽ പുരുഷ മൃതദേഹം കണ്ടത്. കമിഴ്ന്ന് കിടക്കുന്ന നിലയിലായിരുന്നു. നീലേശ്വരം പൊലീസും സ്ഥലത്തെത്തിയിരുന്നു. പരിയാരം മെഡിക്കൽ കോളേജ് ആശുപത്രിയിലേക്ക് മൃതദേഹം മാറ്റി.
0 Comments