തോക്ക് നിർമ്മാണ കേന്ദ്രത്തിൽ പൊലീസ് റെയിഡ് രണ്ട് കള്ളതോക്കുകളുമായി ഒരാൾ അറസ്റ്റിൽ

കാഞ്ഞങ്ങാട് : കള്ളതോക്ക് നിർമ്മാണ കേന്ദ്രത്തിൽ പൊലീസ് റെയിഡ്. രണ്ട് കള്ളതോക്കും നിർമ്മാണം പാതിയിലായ മറ്റൊരു കള്ളതോക്കും പിടിച്ചു. ഒരാൾ അറസ്റ്റിലായി. കണ്ണൂർ ആലക്കോട് കാർത്തികപുരം എരുതമാടമേലരുകിൽ എം.കെ. അജിത് കുമാർ 55 ആണ് അറസ്ററിലായത്. പ്രതി താമസിക്കുന്ന കള്ളാർ കോട്ടക്കുന്ന്

കൈക്കളം കല്ലിലെ വീട്ടിൽ തോക്ക് നിർമ്മാണ സ്ഥലത്ത് നിന്നുമാണ് പ്രതിയെ അറസ്റ്റ് ചെയ്ത് തോക്കുകളും നിർമ്മാണ സാമഗ്രഹികളും പിടികൂടിയത്. പ്രതിക്ക് സഹായം ചെയ്ത്

വന്ന രാജപുരം പുഞ്ചക്കരയിലെ സന്തോഷ്, പരപ്പയിലെ ഷാജി എന്നിവർക്കെതിരെ രാജപുരം പൊലീസ് കേസെടുത്തു. ഇവർ ഒളിവിലെന്ന് പൊലീസ് പറഞ്ഞു. ഒരു മാസം മുൻപാണ് പ്രതി ഇവിടെ താമസമെത്തി ആവശ്യക്കാർക്ക് തോക്ക് നിർമ്മിച്ച് തുടങ്ങിയത്. തോക്ക് നിർമ്മാണത്തിന് ആവശ്യമായ വിവിധ ഉപകരണങ്ങൾ പൊലീസ് കണ്ടെടുത്തു. നാടൻ ഒറ്റ കുഴൽ തോക്കാണ് പിടികൂടിയത്.

വൈകീട്ട് പൊലീസ് വീട് റെയിഡ് ചെയ്യുകയായിരുന്നു. ജില്ലാ പൊലീസ് മേധാവിയുടെ നിർദ്ദേശപ്രകാരം, കാഞ്ഞങ്ങാട്, ബേക്കൽ ഡി.വൈ. എസ്.പിമാരുടെ സ്ക്വാഡുകളും രാജപുരം പൊലീസും ചേർന്നാണ് തോക്ക് വേട്ട നടത്തിയത്.