വീട്ടുപറമ്പിലെ തെങ്ങിൽ നിന്നും വീണ് ഗൃഹനാഥൻ മരിച്ചു

നീലേശ്വരം :വീട്ടുപറമ്പിലെ തെങ്ങിൽ നിന്നും വീണ് ഗൃഹനാഥൻ മരിച്ചു. ഇന്ന് വൈകിട്ട് 3.30 മണിയോടെയാണ് അപകടം.പേരോൽ പുത്തരിയടുക്കം മൂന്നാം കുറ്റി നമ്പിവളപ്പിൽ കുഞ്ഞിരാമൻ്റെ മകൻ എൻ. വി. രാജൻ 56 ആണ് മരിച്ചത്.തേങ്ങ പറിക്കുന്നതിനിടെ അബദ്ധത്തിൽ വീഴുകയായിരുന്നു. ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ജില്ലാശുപത്രി മോർച്ചറിയിൽ.