കാഞ്ഞങ്ങാട്: 3000 രൂപ കൈക്കൂലി വാങ്ങുന്നതിനിടെ വിജിലൻസ് അസ്റ്റ് ചെയ്ത ചിത്താരി ഇലക്ട്രിസിറ്റി സബ് എഞ്ചിനീയറെ കോടതി റിമാൻഡ് ചെയ്തു. തലശ്ശേരി വിജിലൻസ് കോടതിയാണ് റിമാൻ്റ് ചെയ്തത്.ചിത്താരി ഇലക്ട്രിസിറ്റി ഓഫീസിലെ സബ് എഞ്ചിനീയർ ഹോസദുർഗ് കാരാട്ട് വയൽ ശ്രീ കിരണിലെ കെ. സുരേന്ദ്രനാണ് റിമാൻ്റിലായത്. അടുത്ത മാസം 3 വരെയാണ് കോടതി റിമാൻ്റ് ചെയ്തത്. വിജിലൻസ് ഡിവൈഎസ്പി വി . ഉണ്ണികൃഷ്ണന്റെ നേതൃത്വത്തിലുള്ള സംഘമാണ് വെള്ളിയാഴ്ച വൈകീട്ട് ഉദ്യോഗസ്ഥനെ അറസ്റ്റ് ചെയ്തത്.ചിത്താരി മുക്കൂട് സ്വദേശിയിൽ നിന്നും കൈക്കൂലി വാങ്ങുന്നതിനിടെ പിടി വീഴുകയായിരുന്നു.ഓഫീസിൽ വച്ച് പണം വാങ്ങുന്നതിനിടെ കയ്യോടെ പിടികൂടുകയായിരുന്നു.പുതിയ വീടിന് വൈദ്യുതി കണക്ഷൻ നൽകാൻ ഉദ്യോഗസ്ഥൻ കൈക്കൂലി ആവശ്യപെടുകയായിരുന്നു. തുടർന്ന് വീട്ടുടമ വിവരം വിജിലൻസിനെ അറിയിക്കുകയായിരുന്നു.
0 Comments