പിറ്റ് എൻ.ഡി.പി.എസ് ആക്ട് പ്രകാരം രണ്ട് പേർ കരുതൽ തടങ്കലിൽ

കാസർകോട്:

ജില്ലയിൽ പിറ്റ് എൻഡിപിഎസ് ആക്ട് പ്രകാരം രണ്ട് പേർ കൂടി കരുതൽ തടങ്കലിൽ. നിരവധി മയക്കുമരുന്ന് കേസുകളിൽ പ്രതികളാണ് പിടിയിലായത്. ഇതോടെ ജില്ലയിൽ ഇത്തരത്തിൽ പിടിയിലായവരുടെ  എണ്ണം 11 ആയി.

ചെർക്കള ഇരിയപ്പാടി സ്വദേശി ജാബിറിനെ 33   വിദ്യാനഗർ പൊലീസും നെക്രജെ നെല്ലിക്കട്ട സ്വദേശി മുഹമ്മദ് ആസിഫിനെ 31 ബദിയടുക്ക പൊലീസും പിടികൂടി. 

ജില്ലാ പൊലീസ് മേധാവി  ബി.വി. വിജയ ഭരത് റെഡ്ഡിയുടെ നിർദ്ദേശപ്രകാരം കാസർകോട് എഎസ് പി ഡോ. നന്ദഗോപൻ്റെ മേൽനോട്ടത്തിൽ വിദ്യാനഗർ ഇൻസ്പെക്ടർ ഷൈൻ  , ബദിയടുക്ക ഇൻസ്പെക്ടർ അനിൽ കുമാർ, എസ് ഐ സവ്യസാചി എന്നിവരുടെ നേതൃത്വത്തിൽ പ്രതികളെ പിടികൂടി തിരുവനന്തപുരം പൂജപ്പുര സെട്രൽ ജയിൽ പാർപ്പിച്ചു.