യുവാവിനെ കഴുത്തിൽ കഠാര കുത്തിയിറക്കി കൊല്ലാൻ ശ്രമിച്ച കേസിൽ അഞ്ച് പ്രതികൾ അറസ്റ്റിൽ

കാസർകോട്:യുവാവിൻ്റെ കഴുത്തിന് പിന്നിൽ കഠാര കുത്തിയിറക്കി കൊലപാത ശ്രമം നടത്തിയ കേസിൽ അഞ്ച് പ്രതികൾ അറസ്ററിൽ. കുതിരപ്പാടി സ്വദേശികളായ മഹേഷ് 32, പുറന്തറ ഷെട്ടി എന്ന ഹരിപ്രസാദ് ഷെട്ടി 38, കെ.ആർ. രാജേഷ് എന്ന മോനു 21, അജിത്ത് കുമാർ എന്ന അജിത്ത് 32 , സത്യരാജ് 32 എന്നിവരാണ് അറസ്ററിലായത്. ഒന്നാം പ്രതിയെ നേരത്തെ പിടികൂടിയിരുന്നു.ബേഡഡുക്ക സ്വദേശി അനിൽ കുമാറിനാണ് 30 കഴിഞ്ഞ 6 ന് രാത്രി കുത്തേറ്റത്.സീതാംഗോളി ടി.കെ.ഹോട്ടലിന് മുന്നിൽ വച്ചായിരുന്നു 13 അംഗ സംഘം മൃഗീയമായി ആക്രമിച്ചത്. കഴുത്തിന് പിന്നിലും വയറിലും

 ഉൾപെടെ കുത്തേറ്റ് ഗുരുതര നിലയിൽ യുവാവിനെ ആശുപത്രിയിൽ പ്രവേശിപ്പിക്കുകയായിരുന്നു. സംഭവവുമായി ബന്ധപെട്ട് 13 പേർക്കെതിരെ കൊലപാതക ശ്രമത്തിന് കുമ്പള പൊലീസ് കേസ് റജിസ്ട്രർ ചെയ്തിരുന്നു. 

സീതാംഗോളി ടി.കെ.ഹോട്ടലിന് മുന്നിൽ വച്ചായിരുന്നു കുത്തേറ്റത്. പൊതു ഉദ്ദേശം നടപ്പാക്കുന്നതിൻ്റെ ഭാഗമായി നെഞ്ചിനും കഴുത്തിനും വയറിനും കൈകൾക്കും പ്രതികൾ കൊല്ലണമെന്ന ഉദ്ദേശത്തോടെ കത്തി കൊണ്ട് കുത്തിയെന്നാണ് കേസ്. യുവാവ് ഓടിച്ചു വന്ന ടാർജീപ്പ് കല്ലെറിഞ്ഞ് തകർത്തു. അനിൽ കുമാറിൻ്റെ സുഹൃത്തിനെ ഉപദ്രവിച്ചതിന് പ്രതികൾക്കെതിരെ ബദിയഡുക്ക പൊലീസിൽ പരാതി കൊടുത്തതിനാണ് കൊലപാതക ശ്രമം.