കവുങ്ങിൻ തോട്ടത്തിൽ പണിയെടുക്കാൻ വന്ന യുവാവ് വീട്ടമ്മയുടെ സ്വർണമാല പൊട്ടിക്കാൻ ശ്രമം, പിടിക്കപ്പെട്ടപ്പോൾ അയ്യോ എന്നെ പാമ്പ് കടിച്ചെന്ന് പറഞ്ഞ് രക്ഷപ്പെടാൻ ശ്രമം

കാഞ്ഞങ്ങാട് :കവുങ്ങിൻ തോട്ടത്തിൽ പണിയെടുക്കാൻ വന്ന യുവാവ് വീട്ടമ്മയെ തന്ത്ര പൂർവം തോട്ടത്തിലേക്ക് വിളിച്ചു വരുത്തി സ്വർണമാല പൊട്ടിക്കാൻ ശ്രമം. പിടിക്കപ്പെട്ടപ്പോൾ പാമ്പ് കടിച്ചെന്ന് പറഞ്ഞ് രക്ഷപ്പെടാൻ പ്രതിയുടെ ശ്രമം. ചെങ്കള ചേരൂർ മേന ങ്ങോടിലെ അബ്ദുൾ ഖാദറിൻ്റെ ഭാര്യ കുഞ്ഞിബി 58 യുടെ ഒരു പവൻെറ മാല കവരാനായിരുന്നു ശ്രമം. ഇന്ന്

രാവിലെ തോട്ടത്തിൽ പണിക്ക് വന്ന കർണാടക സ്വദേശി മഞ്ജു 45ജോലി ചെയ്യുന്ന സ്ഥലം കാണിച്ചു തരണമെന്ന് പറഞ്ഞ് തോട്ടത്തിലേക്ക് വിളിപ്പിച്ചു. പിന്നാലെ കഴുത്തിൽ നിന്നും മാല പറിക്കാൻ ശ്രമിക്കുകയായിരുന്നു. വീട്ടമ്മ മാലയിൽ പിടിച്ചതോടെ പ്രതി ശ്രമം ഉപേക്ഷിച്ചു. നീ എന്ത് പണിയ കാണിച്ചതെന്നും പൊലീസിൽ അറിയിക്കുമെന്ന് വീട്ടമ്മ പറഞ്ഞതോടെ അയ്യോ എന്നെ പാമ്പ് കടിച്ചെന്ന് പറഞ്ഞ് മുടന്തി മുടന്തി രക്ഷപ്പെട്ട പ്രതിയെ പിന്നീട് വിദ്യാനഗർ പൊലീസ് പിടികൂടി. പ്രതിക്കെതിരെ കേസെടുത്തിട്ടുണ്ട്.