കാസർകോട്:തദ്ദേശ സ്വയംഭരണ തിരഞ്ഞെടുപ്പിനുള്ള നാമനിര്‍ദേശപത്രിക പിന്‍വലിക്കാനുള്ള സമയം ഇന്ന് വൈകീട്ട് മൂന്ന് മണിക്ക് അവസാനിച്ചപ്പോള്‍ ജില്ലാ പഞ്ചായത്തിലെ 18 ഡിവിഷനുകളിലേക്ക് മത്സരരംഗത്തുള്ളത് 62 സ്ഥാനാര്‍ഥികള്‍. ആകെ 91 പേരാണ് നാമനിര്‍ദേശ പത്രിക സമര്‍പ്പിച്ചത്. 29 പേര്‍ പത്രിക പിന്‍വലിച്ചു.
മഞ്ചേശ്വരം ബ്ലോക്ക് പഞ്ചായത്തിലെ 16 ഡിവിഷനുകളിലേക്ക് മത്സരരംഗത്തുള്ളത് 57 സ്ഥാനാര്‍ഥികളാണ്. നാമനിര്‍ദേശ പത്രിക സമര്‍പ്പിച്ച 77 പേരില്‍ 20 പേര്‍ പത്രിക പിന്‍വലിച്ചു. കാസര്‍കോട് ബ്ലോക്ക് പഞ്ചായത്തിലെ 18 ഡിവിഷനുകളിലേക്ക് മത്സരരംഗത്തുള്ളത് 63 സ്ഥാനാര്‍ഥികളാണ്. നാമനിര്‍ദേശ പത്രിക സമര്‍പ്പിച്ച 86 പേരില്‍ 23 പേര്‍ പത്രിക പിന്‍വലിച്ചു. കാറഡുക്ക ബ്ലോക്ക് പഞ്ചായത്തിലെ 14 ഡിവിഷനുകളിലേക്ക് മത്സരരംഗത്തുള്ളത് 44 സ്ഥാനാര്‍ഥികളാണ്. ആകെ സമര്‍പ്പിച്ച 61 പത്രികകളില്‍ 17 പേര്‍ പത്രിക പിന്‍വലിച്ചു.
കാഞ്ഞങ്ങാട് ബ്ലോക്കിലെ 15 ഡിവിഷനുകളിലേക്ക് മത്സര രംഗത്തുള്ളത് 43 സ്ഥാനാര്‍ഥികള്‍. ആകെ 63 പേരാണ് നാമനിര്‍ദേശ പത്രിക സമര്‍പ്പിച്ചത്. 20 പേര്‍ പത്രിക പിന്‍വലിച്ചു. പരപ്പ ബ്ലോക്ക് പഞ്ചായത്തിലെ 15 ഡിവിഷനുകളിലേക്ക് മത്സരരംഗത്തുള്ളത് 46 സ്ഥാനാര്‍ഥികള്‍. ആകെ 88 പേരാണ് നാമനിര്‍ദേശ പത്രിക സമര്‍പ്പിച്ചത്. 42 പേര്‍ പത്രിക പിന്‍വലിച്ചു. നീലേശ്വരം ബ്ലോക്ക് പഞ്ചായത്തിലെ 14 ഡിവിഷനുകളിലേക്ക് മത്സരരംഗത്തുള്ളത് 40 സ്ഥാനാര്‍ഥികള്‍. ആകെ 65 പേരാണ് നാമനിര്‍ദേശ പത്രിക സമര്‍പ്പിച്ചത്. 25 പേര്‍ പത്രിക പിന്‍വലിച്ചു.
കാഞ്ഞങ്ങാട് നഗരസഭയിലെ 47 വാര്‍ഡുകളിലേക്ക്് മത്സരരംഗത്തുള്ളത് 139 സ്ഥാനാര്‍ഥികള്‍. ആകെ 231 പേരാണ് നാമനിര്‍ദേശ പത്രിക സമര്‍പ്പിച്ചത്. 92 പേര്‍ പത്രിക പിന്‍വലിച്ചു. നീലേശ്വരം നഗരസഭയിലെ 34 വാര്‍ഡുകളിലേക്ക് മത്സരരംഗത്തുള്ളത് 94 സ്ഥാനാര്‍ഥികള്‍. ആകെ 135 പേരാണ് നാമനിര്‍ദേശ പത്രിക സമര്‍പ്പിച്ചത്. 41 പേര്‍ പത്രിക പിന്‍വലിച്ചു. കാസര്‍കോട് നഗരസഭയിലെ 39 വാര്‍ഡുകളിലേക്ക് മത്സര രംഗത്തുള്ളത് 107 സ്ഥാനാര്‍ഥികള്‍. ആകെ 162 പേരാണ് നാമനിര്‍ദേശ പത്രിക സമര്‍പ്പിച്ചത്. 55 പേര്‍ പത്രിക പിന്‍വലിച്ചു.
0 Comments