സി.പി.എം ലോക്കൽ സെക്രട്ടറിയെ ഉൾപ്പെടെ മൂന്ന് പേരെ ആക്രമിച്ചു

കാഞ്ഞങ്ങാട് :സി.പി.എം ലോക്കൽ സെക്രട്ടറിയെ ഉൾപ്പെടെ മൂന്ന് പേരെ ആക്രമിച്ചു. ഒരാളുടെ കഴുത്തിന് നേരെ വാൾ വീശിയതായും പരാതി. സംഭവത്തിൽ ഹോസ്ദുർഗ് പൊലീസ് ഒരാൾക്ക് എതിരെ നരഹത്യാ ശ്രമത്തിന് കേസെടുത്തു. വൈകീട്ട് രാവണീശ്വരം ഒറവങ്കരയിലാണ് സംഭവം. രാവണീശ്വരം കൊട്ടാച്ചി വളപ്പിലെ എം.ബാലകൃഷ്ണൻ്റെ 56 പരാതിയിൽ വിപിനെതിരെയാണ് കേസെടുത്തത്. ബാലകൃഷ്ണൻ്റെ കഴുത്തിന് നേരെ സ്റ്റീൽ കത്തി വീശിയെന്നും ഒഴിഞ്ഞ് മാറിയതിനാൽ രക്ഷപ്പെട്ടെന്ന പരാതിയിലാണ് കേസ്. സി. പി. എം ലോക്കൽ സെക്രട്ടറി മോഹനനെയും 50 മോഹനൻ്റെ സഹോദരൻ ഉദയനെ 45 യും തടഞ്ഞു നിർത്തി കാൽ കൊണ്ട് ചവിട്ടിയും തള്ളി താഴെയിട്ട് പരിക്കേൽപ്പിച്ചെന്നാണ് പരാതി. പഞ്ചായത്ത് സ്റ്റോപ്പ് മെമ്മോ കൊടുത്ത മതിൽ ബാലകൃഷ്ണൻ പൊളിച്ചു മാറ്റാത്തതിലുള്ള വിരോധമാണ് അക്രമത്തിന് കാരണമെന്ന് പറയുന്നു.