മഞ്ചേശ്വരം ഷേണി മഞ്ഞാറ എസ്റ്റേറ്റിലെ ജീവനക്കാരൻ ഒപ്പം താമസിക്കുന്ന സ്ത്രീയെ കാണാനില്ല എന്നും പിണങ്ങി പോയി എന്നും കൂടെ ജോലി ചെയ്യുന്നവരെ പറഞ്ഞു വിശ്വസിപ്പിക്കുകയും ചെയ്തിരുന്നു.
പിന്നീട് സ്ത്രീയെ കാണാനില്ലെന്ന് എസ്റ്റേറ്റ് സൂപ്പർവൈസറുടെ പരാതിയിൽ പൊലീസ് നടത്തിയ അന്വേഷണത്തിൽ കൂടെ താമസിച്ചിരുന്ന ജീവനക്കാരൻ വയനാട് മേപ്പാടി തൃക്കൈപ്പറ്റ സ്വദേശി ആന്റോ സെബാസ്റ്റ്യൻ39 തന്നെയാണ് ഈ സ്ത്രീയെ കൊലപ്പെടുത്തി വീട്ടിനുള്ളിൽ തുണിയിൽ പൊതിഞ്ഞു സൂക്ഷ്‌ക്കിച്ചതെന്ന് കണ്ടെത്തുകയായിരുന്നു. കൃത്യം ചെയ്ത് ഏതാനം ദിവസത്തിനുള്ളിൽ നാട് വിടുകയായിരുന്നു പ്രതി. 2023 ഫെബ്രുവരി മാസമായിരുന്നു സംഭവം. പിന്നീട് പ്രതിയെ തിരുവനന്തപുരം തമ്പാനൂരിൽ വെച്ച് പൊലീസ് പിടികൂടുകയും ചെയ്തിരുന്നു. ഏതാനം മാസങ്ങൾ കഴിഞ്ഞു ജാമ്യത്തിൽ ഇറങ്ങിയ പ്രതി പിന്നീട് ഒളിവിൽ പോകുകയും കോടതി പിടികിട്ടാപ്പുള്ളിയായി പ്രഖ്യാപിക്കുകയും ചെയ്തു . വയനാട് പുല്പള്ളിയിൽ ഒളിവിൽ കഴ്ഞ്ഞുവരുന്നതായി കണ്ടെത്തുകയും ബദിയടുക്ക പൊലീസും കാസർകോട് സബ് ഡിവിഷൻ സ്‌ക്വാഡും ചേർന്ന് ആണ് പ്രതിയെ പിടികൂടിയത്.
ജില്ലാ പൊലീസ് മേധാവി ബി വി. വിജയ ഭരത് റെഡ്‌ഡിയുടെ നിർദ്ദേശപ്രകാരം എഎസ്പി എം. ഡോ. നന്ദഗോപന്റെ മേൽനോട്ടത്തിൽ ബദിയടുക്ക ഇൻസ്‌പെക്ടർ സന്തോഷ് കുമാറിന്റെ നേതൃത്വത്തിൽ പൊലീസ് ഉദ്യോഗസ്ഥരായ
ഗോകുല, ശ്രീനേഷ്, ആരിഫ്, സ്‌ക്വാഡ് അംഗമായ ഷജീഷ് എന്നിവർ ചേർന്ന് പ്രതിയെ കുറിച്ചുള്ള വിവരങ്ങൾ സാങ്കേതികമായി ശേഖരിച്ച് വയനാട് പൊലീസിന്റെ സഹായത്തോടെയാണ് പിടികൂടിയത്.
0 Comments