തദ്ദേശ തിരഞ്ഞെടുപ്പ്: പരിശോധന ശക്തമാക്കാൻ കേരള, കർണാടക പൊലീസ്

കാസർകോട്:തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന്റെ മുന്നൊരുക്കങ്ങളുടെയും കേരള കർണാടക സംസ്ഥാന അതിർത്തിയിലെ സുരക്ഷാ പരിശോധന ശക്തമാക്കുന്നതിനുള്ള ക്രമീകരണങ്ങൾ ഏർപ്പെടുത്തുന്നതിന്റെ ഭാഗമായി മംഗലാപുരം സിറ്റി പൊലീസും കാസർകോട് ജില്ലാ പൊലീസും മംഗലാപുരം സിറ്റി പെലീസ് കമ്മീഷണറുടെ കാര്യാലയത്തിൽ  

കൂടി കാഴ്ച നടത്തി. മംഗലാപുരം സിറ്റി പൊലീസ് കമ്മിഷണർ  സുധീർ കുമാർ റെഡ്‌ഡി, കണ്ണൂർ റേഞ്ച് ഡിഐജി  യതീഷ്ചന്ദ്ര , കാസർകോട് ജില്ലാ പൊലീസ് മേധാവി ബി. വി . വിജയ ഭരത് റെഡ്‌ഡി , മംഗലാപുരം സിറ്റി ഡെപ്യൂട്ടി കമ്മിഷണർ മിഥുൻ, കാസർകോട് എഎസ്പി ഡോ. നന്ദഗോപൻ  എന്നിവരാണ് കൂടിക്കാഴ്ചയിൽ പങ്കെടുത്തത്. ഇരു സംസ്ഥാനങ്ങളെയും  ബന്ധിപ്പിക്കുന്ന പ്രതിധാന റോഡുകളും ചെറു പാതകളിലും ശക്തമായ പരിശോധന ഇരു സംസ്ഥാന പൊലീസും ചേർന്ന് നടത്താനും വിവിധ കേസുകളിലെ പിടികിട്ടാ പുള്ളികളെ പിടികൂടുന്നതിന് വിവരങ്ങൾ പരസ്പരം കൈമാറാനും യോഗത്തിൽ തീരുമാനമായി.