നാല് കിലോ കഞ്ചാവുമായി അന്യ സംസ്ഥാന തൊഴിലാളി അറസ്റ്റിൽ

കാസർകോട്:നാല് കിലോയോളം കഞ്ചാവുമായി

 അന്യ സംസ്ഥാന

 തൊഴിലാളിയെ പൊലീസ് അറസ്റ്റ് ചെയ്തു. ബാഗിൽ ഒളിപ്പിച്ച് കാസർകോട് എത്തിച്ച 3.91 കിലോഗ്രാം കഞ്ചാവ് കസ്റ്റഡിയിലെടുത്തു. ചൗക്കി കാവും ഗോളിയിൽ താമസിക്കുന്ന ഉത്തർപ്രദേശ് സ്വദേശി സുനിൽ പ്രസാദ് 41 ആണ് പിടിയിലായത്. ചൗക്കിയിൽ  ജില്ലാ പൊലീസ് മേധാവിയുടെ ഡാൻസാഫ് അംഗങ്ങൾ പിടികൂടി തടഞ്ഞുവെക്കുകയും എസ്.ഐ സി.ആർ.മൗഷമി, പ്രൊബേഷൻ എസ്.ഐ പ്രജിത്ത്, പൊലീസുദ്യോഗസ്ഥരായ നീരജ്, അഭിലാഷ്, ജെയിംസ് എന്നിവർ സ്ഥലത്തെത്തി കസ്റ്റഡിയിലെടുത്തു.

ഡാൻസാഫ് അംഗങ്ങളായ

നിജിന് കുമാർ ,രജീഷ് കാട്ടാമ്പള്ളി,

റിതേഷ്,അനീഷ്‌ ,

ഭക്ത ഷൈവൽ എന്നിവർ തന്ത്ര പരമായാണ് പ്രതിയെ കുടുക്കിയത്. എ. എസ്. പി അച്ചുത് അശോക് നേതൃത്വം നൽകി.