ഓട്ടോ ഡ്രൈവർ ട്രെയിൻ തട്ടി മരിച്ച നിലയിൽ, വന്ദേ ഭാരത് നിർത്തിയിട്ടു

കാഞ്ഞങ്ങാട്:ഓട്ടോറിക്ഷ ഡ്രൈവറെ ട്രെയിൻ

 തട്ടി മരിച്ച നിലയിൽ കണ്ടെത്തി. ഇതേ തുടർന്ന് ഇന്ന് രാവിലെ പാലക്കാട് ഭാഗത്തേക്ക് പോയ

വന്ദേ ഭാരത് കുറച്ചു നേരം

നിർത്തിയിട്ടു. തൃക്കരിപ്പൂരിലെ ഓട്ടോ ഡ്രൈവർ തൃക്കരിപ്പൂർ കക്കുന്നത്ത് കുഞ്ഞിക്കണ്ണൻ്റെ മകൻ ടി.വി. രതീഷ് 42 ആണ് മരിച്ചത്. മാതാവ് ദേവകി . ഇന്ന് രാവിലെ 7 .30 ന് തൃക്കരിപ്പൂർ കാരോളത്ത് ട്രെയിൻ തട്ടി മരിച്ച നിലയിൽ കാണുകയായിരുന്നു. രാവിലെ വന്ദേ ഭാരതിന് മുൻപ് പോയ ട്രെയിൻ തട്ടിയതായാണ് സംശയം. മൃതദേഹം പാളത്തിൽ കിടക്കുന്നത് കണ്ടാണ് വന്ദേ ഭാരത് നിർത്തിയിട്ടത്. ചെറുവത്തൂരിലായിരുന്നു പിടിച്ചിട്ടത്. ചന്തേര പൊലീസ് ഇൻക്വസ്റ്റ് നടപടികൾ ആരംഭിച്ചു .