ഫുട്ബോൾ കളിക്കിടെ കളർ ശ്വസിച്ച് ആറ് കുട്ടികൾ ആശുപത്രിയിലെന്ന് പ്രചരണം, വ്യാജമെന്ന് മറുവിഭാഗം, പൊലീസ് അന്വേഷണം ആരംഭിച്ചു

കാഞ്ഞങ്ങാട്:ഫുട്ബോൾ കളിക്കിടെ കളർ ശ്വസിച്ച് ആറ് കുട്ടികൾ ആശുപത്രിയിലെന്ന് സോഷ്യൽ മീഡിയയിൽ

 പ്രചരണം. പ്രചരണം വ്യാജമാണെന്ന് വ്യക്തമാക്കി

 മറുവിഭാഗവും സോഷ്യൽ മീഡയയിൽ രംഗത്ത് വന്നു. പ്രചരണം വ്യാപകമായതോടെ പൊലീസ് രഹസ്യാന്വേഷണ വിഭാഗം സംഭവത്തെ കുറിച്ച് അന്വേഷണം ആരംഭിച്ചു. കാഞ്ഞങ്ങാടിന് സമീപം ഇന്നലെ രാത്രി നടന്ന ഫുട്ബോൾ മൽസരത്തിനിടെ വ്യാപകമായി കളർ പറത്തിയെന്നും ഇത് ശ്വസിച്ച് ആരോഗ്യ പ്രശ്നമായവരെ മംഗലാപുരം ആശുപത്രിയിലേക്ക് മാറ്റിയെന്നുമാണ് പ്രചരിക്കുന്നത് . കാഞ്ഞങ്ങാട്ടെ സ്വകാര്യ ആശുപത്രിയിലെ ഡോക്ടറുടെ പേര് വച്ച്

അദ്ദേഹം സംഭവത്തെ ശക്തമായി വിമർശിച്ചെന്നും പ്രചരണത്തിലുണ്ട്. എന്നാൽ ഡോക്ടറുടെ പേരിൽ വ്യാജ പ്രചരണമാണെന്ന് മറുവിഭാഗവും പറയുന്നു . നിജസ്ഥിതി അറിയാനുള്ള അന്വേഷണത്തിലാണ് പൊലീസ്.