പൊലീസ് അറിയിപ്പ്: തിരഞ്ഞെടുപ്പ് ദിനത്തിൽ പോളിംഗ് ബൂത്തിന് സമീപം പൊതുജനങ്ങൾ പാലിക്കേണ്ട നിയമങ്ങൾ

കാഞ്ഞങ്ങാട്:തിരഞ്ഞെടുപ്പ് ദിനത്തിൽ പോളിംഗ് ബൂത്തിന്റെ സമീപത്ത്

 പൊതുജനങ്ങൾ പാലിക്കേണ്ട പ്രധാന നിയമങ്ങൾ

1. പ്രചാരണം നിരോധനം (100 മീറ്റർ പരിധിയിൽ)

പോളിംഗ് സ്റ്റേഷന്റെ 100 മീറ്റർ പരിധിക്കുള്ളിൽ പ്രചാരണം, രാഷ്ട്രീയ പാർട്ടികളുടെ വോട്ടർമാർക്കുള്ള സ്ലിപ് വിതരണ കൗണ്ടറും പൂർണ്ണമായും നിരോധിച്ചിരിക്കുന്നു.

മുദ്രാവാക്യം വിളിക്കുക, പോസ്റ്റർ/ബാനർ സ്ഥാപിക്കുക, ലഘുരേഖ വിതരണം ചെയ്യുക എന്നിവ അനുവദനീയമല്ല

വോട്ടർമാരെ സ്വാധീനിക്കുന്ന രാഷ്ട്രീയ ചർച്ചകൾ പാടില്ല. 

2. അനാവശ്യ കൂട്ടം ചേരൽ ഒഴിവാക്കുക

പോളിംഗ് ബൂത്തിന് സമീപം അനാവശ്യമായി കൂട്ടം ചേരരുത്

വോട്ടർമാർ, ഉദ്യോഗസ്ഥർ, അംഗീകൃത ഏജന്റുമാർ മാത്രം അനുവദനീയമാണ്

3 മൊബൈൽ ഫോൺ ഉപയോഗം നിരോധനം

പോളിംഗ് സ്റ്റേഷനുള്ളിൽ മൊബൈൽ ഫോൺ ഉപയോഗം  അനുവദനീയമല്ല

ഫോട്ടോ/വീഡിയോ എടുക്കുന്നത് കർശനമായി നിരോധിച്ചിരിക്കുന്നു.

4. വോട്ടർമാരെ സ്വാധീനിക്കൽ പാടില്ല

പണം, സമ്മാനം എന്നിവ വാഗ്ദാനം ചെയ്യുന്നത് നിയമവിരുദ്ധമാണ്

വോട്ടർമാരെ സ്വാധീനിക്കാൻ ശ്രമിക്കുന്നത് ശിക്ഷാർഹമാണ്

5. ശാന്തത പാലിക്കുക

പോളിംഗ് പ്രദേശം “സൈലൻസ് സോൺ” ആയി കണക്കാക്കപ്പെടുന്നു

ഉച്ചത്തിൽ സംസാരിക്കൽ, ലൗഡ് സ്പീക്കർ ഉപയോഗം, കലാപം സൃഷ്ടിക്കൽ എന്നിവ പാടില്ല

6. തിരിച്ചറിയൽ രേഖ നിർബന്ധം

വോട്ട് ചെയ്യാൻ സാധുവായ തിരിച്ചറിയൽ രേഖ (വോട്ടർ ഐഡി, ആധാർ മുതലായവ) കരുതണം

7. ആയുധങ്ങൾ നിരോധനം

പോളിംഗ് ബൂത്തിന് സമീപത്ത് ആയുധങ്ങൾ കൊണ്ടുവരുന്നത് കർശനമായി നിരോധിച്ചിരിക്കുന്നു.

8. ക്യൂ പാലിക്കുക

ക്യൂയിൽ നിൽക്കുക, ഉദ്യോഗസ്ഥരുടെയും പോലീസിന്റെയും നിർദ്ദേശങ്ങൾ പാലിക്കുക.

ബി. വി വിജയ ഭരത് റെഡ്ഢി 

ജില്ലാ പൊലീസ് മേധാവി അറിയിച്ചു.