ഫോട്ടോയുടെ പിറകിൽ സൂക്ഷിച്ച താക്കോൽ എടുത്ത് മോഷണം, എട്ട് പവനും പണവും കവർന്നു

കാഞ്ഞങ്ങാട്: പുറത്ത് പോകുന്ന സമയം

ഫോട്ടോയുടെ പിറകിൽ സൂക്ഷിച്ച താക്കോൽ എടുത്ത് വീട് തുറന്ന മോഷ്ടാക്കൾ

 എട്ട് പവൻ സ്വർണാഭരണങ്ങളും 15000 രൂപയും കവർന്നു. തായന്നൂർ വാളാപ്പാടിയിലെ ആലത്തടി കുറുഞ്ഞിരപ്പള്ളി എ.യു. ജോണിൻ്റെ വീട്ടിലാണ് മോഷണം നടന്നത്. ഇന്നലെ രാവിലെ 7 മണിക്ക് വീട് പൂട്ടിയ ശേഷം മുൻവശം വാതിലിന്റെ മുകളിലുള്ള ഫോട്ടോയുടെ പിറകിൽ താക്കോൽ സൂക്ഷിച്ചതായിരുന്നു. ഈ താക്കോൽ എടുത്ത് വീട് തുറന്ന മോഷ്ടാക്കൾ കിടപ്പ് മുറിയിലെ അലമാരയിൽ സൂക്ഷിച്ചിരുന്ന സ്വർണാഭരണങ്ങളും പണവും കവരുകയായിരുന്നു. കുടുംബം രാത്രി 11 മണിയോടെ വീട്ടിൽ തിരിച്ചെത്തിയപ്പോഴാണ് മോഷണ വിവരം അറിയുന്നത്. അമ്പലത്തറ പൊലീസ് കേസെടുത്ത് സ്ഥലത്തെത്തി അന്വേഷണം നടത്തി. വിരലടയാള വിദഗ്ധർ എത്തും.