പഴയ വീട്ടിനുള്ളിൽ തല ചിതറി യുവാവ് കൊല്ലപ്പെട്ട നിലയിൽ

കാസർകോട്:പഴയ വീട്ടിനുള്ളിൽ തല

 ചിതറി യുവാവിനെ കൊല്ലപ്പെട്ട 

നിലയിൽ കണ്ടെത്തി. ഇന്ന് രാത്രി 8 മണിയോടെയാണ് സംഭവം. സ്ഥലത്ത് ഉയർന്ന പൊലീസ് ഉദ്യോഗസ്ഥർ എത്തി.

മഞ്ചേശ്വരം  ഹൊസങ്കടിയിൽ കർണാടക സ്വദേശിയായ രമേശ് 45 ആണ് കൊല്ലപ്പെട്ടത്.

​ ഹൊസങ്കടി അംഗടിപ്പദവ് കെ.

നരസിംഹ മൂർത്തിയുടെ പഴയ ഇരു നില വീട്ടിനുള്ളിലാണ് തല ചിതറിയ നിലയിൽ മൃതദേഹം കണ്ടെത്തിയത്. ക്രൂരമായ

ആക്രമണമാണ് നടന്നതെന്നാണ് പ്രാഥമിക നിഗമനം. അടുക്കളയിലായിരുന്നു മൃതദേഹം. ഈ വീട്ടിൽ വാടകക്ക് താമസിക്കുന്ന കൃഷ്ണപ്പയാണ് ആദ്യം മൃതദേഹം കണ്ടത്.

​സംഭവത്തിന് പിന്നിൽ പ്രവർത്തിച്ചവരെന്ന്

 സംശയിക്കുന്ന രണ്ടു പേർ സ്ഥലത്തുനിന്ന് രക്ഷപ്പെട്ടു. പൊലീസ് സംഘം സ്ഥലത്തെത്തി പരിശോധന നടത്തി വരികയാണ്. പ്രതികൾക്കായി പൊലീസ് അന്വേഷണം ഊർജിതമാക്കിയിട്ടുണ്ട്.

കർണ്ണാടകയിലേക്ക് കടക്കാതിരിക്കാൻ അതിർത്തിയിൽ പൊലീസ് നിരീക്ഷണം ശക്തമാക്കി. ദുരൂഹ മരണമെന്നതിന് മഞ്ചേശ്വരം പൊലീസ് കേസെടുത്തു.