പ്രതിയുടെ വീടിന് തീ വെച്ച കേസിൽ രണ്ട് പ്രതികൾ അറസ്റ്റിൽ

കാഞ്ഞങ്ങാട്:ദമ്പതികളെയും യുവാവിനെയും മാരകമായി വെട്ടി പരിക്കേൽപ്പിച്ച പ്രതിയുടെ വീട് ആക്രമിച്ച ശേഷം തീവച്ച് കത്തിച്ച കേസിൽ രണ്ട് പ്രതികൾ അറസ്ററിൽ. ബേളൂർ അട്ടേങ്ങാനം വെള്ളമുണ്ടയിലെ സുനിൽ, സന്തോഷ് എന്നിവരാണ് പിടിയിലായത്. രാജപുരം ഇൻസ്പെക്ടർ സന്തോഷിൻ്റെ നേതൃത്വത്തിൽ പ്രതികളെ അറസ്ററ് ചെയ്യുകയായിരുന്നു. ഇരുവരെയും ഹോസ്ദുർഗ് മജിസ്ട്രേറ്റ് കോടതി 14 ദിവസത്തേക്ക് റിമാൻഡ് ചെയ്തു.

 വീട്ടിനുള്ളിലെ ഫർണിച്ചറുകളും വാതിലുകളും വസ്ത്രങ്ങൾ ഉൾപെടെ കത്തിച്ച നിലയിലായിരുന്നു. വീടിൻ്റെ ജനാലകൾ അടക്കം അടിച്ച് തകർത്തിരുന്നു. ബേളൂർ അട്ടേങ്ങാനം വെള്ളമുണ്ടയിലെ ശരത്തിൻ്റെ വീടാണ് കത്തിച്ചത് . കഴിഞ്ഞയാഴ്ച ശരത്ത് വെള്ളമുണ്ടയിലെ ദമ്പതികളെയും മറ്റൊരു യുവാവിനെയും വെട്ട് കത്തി ഉപയോഗിച്ച് വെട്ടി പരിക്കേൽപ്പിച്ചിരുന്നു. ഗുരുതരാവസ്ഥയിലുള്ള ദമ്പതികൾ പരിയാരം മെഡിക്കൽ കോളേജിലും പരിക്കേറ്റ യുവാവ് കാസർകോട് ആസ്ററർ മിംസിലും ചികിൽസയിലാണ്. ശരത്തിൻ്റെ മാതാവ്  അനിത ശശി 28 ന് വീട് പൂട്ടി തൃശൂരിൽ പോയതായിരുന്നു. ഈ സമയത്തായിരുന്നു വീടിന് തീ വെച്ചത്.